Reba igiti kidasanzwe cya Noheli cyaguzwe akayabo k’Amamiliyari y’Amanyarwanda[AMAFOTO]

Amakuru   Yanditswe na: Martin Munezero 25 December 2019 Yasuwe: 5309

Hari abasanga ibyishimo bya Noheli ari ugutanga, kugirana ibihe byiza n’umuryango no kuruhuka nyuma y’umwaka wose umuntu ahugiye mu kazi.



Kuri bamwe ni igihe cyo gusesagura mu gihe abizihiza uyu munsi bya nyabyo ari abavukana na Yezu bakiyemeza kubana na we mu buzima bwabo, bakamubera abahamya mu bantu.

Kuri iyi Noheli, abasura hoteli yitwa Kempinski Hotel Bahia, yo muri Espagne, barabona igiti cya Noheli cyubatse muri iyo Hoteli gitatse Diamant, amabuye y’agaciro n’imikufi y’ubwoko butandukanye.

Mu mitako y’amabara atukura, imyeru, iroza, na diamant, z’umukara, icyo giti cyakorewe iyigamiterere n’umunyabugeni witwa Debbie Wingham, gifite agaciro kabarirwa mu mayero miliyoni 11.9 agera kuri miliyoni $ 15 nk’uko iyo Hoteli ibitangaza,tuyashyize mu manyarwanda angana na Miliyari cumi n’enye na Maganabiri n’imwe n’ibihumbi magana atatu mirongo itatu na bitatu.

Uretse diamant, icyo giti gitatse imikufi itandukanye, amagi y’inyoni ya Autruche, ndetse giteye n’imibavu byose by’agaciro. Kiri gufatwa nk’igihenze kuri iyi Noheli ya 2019 nyuma y’izabanje na zo zagize zubakirwa ibiti byaciye agahigo.

Mu 2010, hoteli yitwa Emirates Palace iherereye mu mujyi wa Abu Dhabi, yari yubatse igiti cya Noheli gitatse imiringa, imikufi n’amasaha bifite agaciro ka miliyoni $11 bituma gishyirwa mu gitabo cy’uduhigo kizwi nka Guinness de Record nk’igiti cya Noheli gihenze.

Mu 2016, uruganda rw’imitako rwo muri Tokyo rwitwa Ginza Tanaka rwo rwubatse igiti kinini cyatwaye miliyoni 200 z’ama-Yen [amafaranga akoreshwa mu Buyapani] angana na miliyoni $ 1.8.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble munyemana

    Tekereza igiti gifite agaciro hafi 20 billions FRW!!! Ntabwo kigamije gushimisha Yezu,ahubwo kigamije gukurura Abakiliya (publicity). NOHELI niwo munsi mukuru wizihizwa n’abantu benshi ku isi kurusha iyindi.Igitangaje nuko n’amadini atemera YESU nayo awizihiza cyane mu rwego rwo "kwishimisha" no Gucuruza: Aba Hindous,Abaslamu,aba Bouddhists,aba Shintos,Animists,etc... Nubwo bimeze gutyo,NOHELI niwo munsi ubabaza Imana kurusha iyindi kubera ko aribwo abantu bakora ibyaha cyane kurusha indi minsi.Barasinda ku bwinshi cyane,bakarwana,bakicana,bagasambana kurusha indi minsi mu rwego rwo kwishimisha.Nubwo isi yose iwizihiza bavuga ko ariwo Munsi Yesu yavutse,ni ikinyoma.Ntabwo Yesu yavutse le 25 December.Nta muntu uzi itariki Yesu yavukiyeho.Ikibi kurushaho,nuko iyo tariki yari umunsi mukuru Abaroma bizihizagaho Ikigirwamana cyabo kitwaga MYTHRA.Imana itubuza kuvanga ibintu byayo n’ibyerekeye Ibigirwamana.Birayibabaza cyane.Niyo mpamvu abakristu nyakuri batizihiza Noheli.Abigishwa ba Yezu tugenderaho,nta na rimwe bizihije NOHELI.Yatangiye kwizihizwa n’Abagatolika le 25/12/354.

    3 months ago

Inzindi nkuru

Covid-19:Pasiteri Natacha yafashe amafaranga yose yarari kuri Konte...

Rev. Lucy Natasha ni umuvugabutumwa wo mugihugu cya Kenya, aracyari...
5 April 2020 Yasuwe: 4254 3

Covid-19:Abarenga 160 batawe muri yombi bazira kwica itegeko rya Parezida...

Polisi ya Uganda yataye muri yombi abantu barenga 160 ivuga ko barenze ku...
4 April 2020 Yasuwe: 1723 0

Pasiteri ari gukorwaho iperereza kubera amavuta yakoze yemeza ko umuntu...

Umupasiteri ukomoka.mu hihugu cya Kenya uba mu Bwongereza ari gukorwaho...
4 April 2020 Yasuwe: 2790 1

Covid-19:Abantu 2 mu Burundi bishwe bazira gutoroka akato

Mu ijoro ryo kuwa Kabiri rishyira kuwa Gatatu, itariki 01 Mata 2020,...
3 April 2020 Yasuwe: 3504 0

Covid-19:Bamwe mu baturage bo mu Buhinde bahisemo kwituranira n’inyoni...

Abaturage 7 bo mu Buhindi bakoze agashya katunguye benshi ubwo bafataga...
3 April 2020 Yasuwe: 3205 1

Covid-19:Muri Amerika imbunda nizo ziri kugurwa ku bwinshi

Biragaragara ko muri iyi minsiAbanyamerika batari kugura ibiryo n’impapuro...
2 April 2020 Yasuwe: 5136 0