Robert Mugabe amaze igihe arembeye mu bitaro byo mu gihugu cya Singapore

Amakuru   Yanditswe na: Martin Munezero 6 August 2019 Yasuwe: 910

Robert Mugabe wahoze ari umukru w’igihugu cya Zimbabwe, amaze amezi ane arwariye mu bitaro byo mu gihugu cya Singapore aho akomeje kwitabwaho n’inzobere z’abaganga ku burwayi afte.

Aya makuru yatangajwe na Perezida Emmerson Mnangagwa wamusimbuye ku butegetsi nyuma y’uko uyu musaza w’imyaka 95 ahiritswe ku butegetsi n’ingabo z’igihugu.

Mnangagwa yavuze ko Mugabe wagejeje Zimbabwe ku bwigenge ari korohererwa nubwo amaze igihe mu bitaro.

Yagize ati “Umubyeyi w’igihugu cyacu, umusangirangendo Robert Mugabe aracyari mu bitaro muri Singapore aho ari kwitabwaho n’abaganga.”

Yakomeje agira ati “Bitandukanye na mbere ubwo uwahoze ari Perezida byamutwaraga ukwezi kumwe, kuri iyi nshuro abaganga be basabye ko yamara igihe kinini.”

Mnangagwa yavuze ko aherutse kohereza itsinda riyobowe n’Umunyamabanga Mukuru wa Guverinoma Misheck Sibanda kujya kureba uko Mugabe amerewe.

Itsinda ryasuye Mugabe ryatangaje ko ari koroherwa ndetse ko ashobora gusezererwa mu bitaro vuba.

Mu Ugushyingo umwaka ushize nibwo Mnangagwa yatangaje ko Mugabe atakibasha kugenda kubera izabukuru n’uburwayi.

Mu myaka 37 Mugabe yamaze ku butegetsi, yakunze kujya muri Singapore kwivuzayo.

Mugabe yakuwe ku butegetsi n’igisirikare cyari gishyigikiye Emmerson Mnangagwa, mu Ugushyingo 2017.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Donald Trump yashyize yemeza ko bishe umuhungu wa Osama Bin Laden ndetse...

Perezida wa USA,Donald Trump yemeje ko ko Hamza Bin Laden, umuhungu wa...
15 September 2019 Yasuwe: 1497 0

Amerika yahagaritse imfashanyo yahaga igihugu cy’u Burundi

Ibiro bya Reta Zunze ubumwe z’Amerika bishinzwe iterambere mpuzamahanga ,...
15 September 2019 Yasuwe: 1161 0

Abakuru b’ibihugu n’abahagarariye za guverinoma barimo Minisitiri...

Abakuru b’ibihugu bitandukanye bo muri Afurika barimo n’abahagarariye za...
14 September 2019 Yasuwe: 3966 0

Gen. Edward Kayihura yafatiwe ibihano bikarishye na Leta ya...

Ishami rishinzwe imari muri Guverinoma ya Leta zunze ubumwe za Amerika,...
14 September 2019 Yasuwe: 3267 0

Umuryango wa Mugabe wavuye ku izima wemera ko bamushyingura mu irimbi...

Umuryango wa Robert Mugabe wahoze ari Perezida wa Zimbabwe wamaze kuva ku...
13 September 2019 Yasuwe: 2585 0

Mu mabwiriza menshi y’uburyo Abadepite bo muri Uganda bagomba kwitwara mu...

Abadepite bo muri Uganda bigishijwe uko bagomba kuzitwara mu nama ya...
13 September 2019 Yasuwe: 2118 1