Igihugu cya Saudi Arabia cyishe abantu 37 bahamwe n’ibyaha by’iterabwoba barimo n’umuntu umwe cyabambye ku musaraba kubera amakosa yakoze.

Sponsored Ad

Kuri uyu wa kabiri nibwe Leta ya Saudi yatangaje ko aba bantu bahamwe n’ibyaha by’iterabwoba biciwe mu mujyi wa Riyadh harimo n’umwe wishwe abambwe kubera ibyaha by’indengakamere yakoze.

Ibiro ntaramakuru bya Saudi byavuze ko aba bayisilamu bahamwe n’ibyaha by’iterabwoba,ubuhezanguni ndetse no gukora udutsiko tugamije guhungabanya umutekano w’igihugu.

Aba bantu bose bakimara guhamwa n’ibi byaha bahise bacibwa imitwe umwe muri bo baramubamba.

Leta ya Saudi yishe aba bantu nyuma y’aho ingabo z’iki gihugu zigabye ibitero ku barwanyi ba ISIS bari bakambitse mu majyaruguru ya Riyadh.

Saudi yishe aba bantu nyuma yo kuburizamo igitero Islamic State yagabye ku nyubako ya Zulfi iri mu majyaruguru ashyira uburengerazuba bwa Riyadh.

Abashinzwe umutekano ba Saudi batangaje ko bishe abarwanyi 4 ba ISIS bari bacuze umugambi wo kugaba iki gitero cyari giteganyijwe ku Cyumweru.