SENA y’u Burundi yamaze kwimukira mu murwa mukuru wa Gitega

Amakuru   Yanditswe na: Dusingizimana Remy 20 January 2019 Yasuwe: 1979

Nyuma y’aho Gitega ihingutse umurwa mukuru w’u Burundi,Sena yamaze kwimurira ibiro byayo muri uyu mujyi ndetse byitezwe ko n’ibindi bigo bikomeye mu Burundi bizimuka mu minsi iri imbere.

Ku wa Gatatu w’iki cyumweru, nibwo Sena y’u Burundi yatoye umwanzuro wa nyuma wo kwimurira Umurwa Mukuru mu bya politiki i Gitega, Bujumbura igasigara ari Umurwa Mukuru w’ubucuruzi.

Guverinoma y’Uburundi irifuza kwegereza ubuyobozi abaturage akaba ariyo mpamvu ibigo bya Leta bimwe na bimwe bigeye kwimurirwa muri uyu murwa mushya
U Burundi bwatangaje ko bushaka gukwirakwiza iterambere hirya no hino mu gihugu ariyo mpamvu Sena yimuriye ibiro byayo muri uyu mujyi kuwa Gatanu Taliki ya 18 Mutarama 2019.

Visi Perezida wa kabiri wa Sena y’u Burundi, Anicet Niyongabo yabwiye Radiyo na Televiziyo by’igihugu (RNTB) ko bateganya kuba barangije kwimura ibikorwa byose tariki ya 1 Gashyantare.

Yagize ati “Guverinoma y’u Burundi yafashe umwanzuro wo kwimukira i Gitega mbere y’uko manda y’Inteko Ishinga Amategeko iriho irangira. Hashize igihe kinini sena yitegura kwimuka. Uyu munsi twatangiye ibikorwa byo kwimukira i Gitega kugeza tariki 1 Gashyantare 2019.”

Niyongabo yavuze ko n’ibindi bigo bya Leta bizakurikiraho gahoro gahoro kugeza byose byimutse.

Umushinga wo kwimurira ibigo bya Leta mu Mujyi wa Gitega uzatwara igihe cy’imyaka itatu.

Mu 2007 nibwo Perezida Pierre Nkurunziza wari umaze imyaka ibiri ku butegetsi yijeje abaturage ko Umurwa Mukuru azawimurira Gitega.

Gitega ni umujyi utuwe n’abaturage bagera ku bihumbi 300. Nta bikorwa remezo bihambaye nk’inganda, amahoteli, ama-restaurant n’inzu zo gukodesha bihagije birimo nkuko RFI yabitangaje.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Donald Trump yavuze ko igisirikare cya Venezuela kizahura n’akaga kubera...

Perezida wa USA,Donald Trump yaburiye igisirikare cya Venezuela ko...
19 February 2019 Yasuwe: 887 1

FARDC yigambye gukubita inshuro inyeshyamba za FOREBU zikuriwe na...

Ingabo za Leta ya RDC zizwi nka FARDC,zatangaje ko zakubise inshuro umutwe...
19 February 2019 Yasuwe: 1672 0

Felix Tshisekedi na Kabila bahuje urugwiro mu nama ikomeye...

Perezida mushya wa RDC,Felix Tshisekedi ndetse n’uwo yasimbuye Joseph Kabila...
18 February 2019 Yasuwe: 2922 0

Amafoto Yaciye Ibintu:Vladmir Putin Perezida w’Uburusiya yeretse Trump ko...

Amafoto yatangaje benshi cyane aho perezida w’igihugu cy’Uburusiya, Vladmir...
18 February 2019 Yasuwe: 5329 1

RDC:Abantu 100 bamaze gupfa mu gihe kitagera ku mezi 2 bazize ubushyamirane...

Mu gace ka Masisi ahitwa Bashali-Mukoto hamaze gupfa abantu bagera ku ijana...
17 February 2019 Yasuwe: 1105 0

Umugabo yaciye umutwe umugore we n’umwana we nyuma yo kubisabwa...

Umugabo ukomoka muri Repubulika iharanira demokarasi ya Kongo yatawe muri...
17 February 2019 Yasuwe: 3328 1