Sudan: Abigaragamya barashwemo amasasu batanu bahasiga ubuzima

Amakuru   Yanditswe na: Dusingizimana Remy 3 June 2019 Yasuwe: 676

Abanya Sudan bakomeje kwigaragambya basaba ko abasirikare bava ku butegetsi bugahabwa abasivile,bavuze ko inzego zishinzwe umutekano za Sudani zakoresheje ingufu mu kugerageza kubatatanya aho bamaze igihe bigaragambiriza hanze y’ibiro bikuru by’igisirikare cy’iki gihugu mu murwa mukuru Khartoum.

Fabia Khalaf, umwe mu bari kwigaragambya, yabwiye BBC ko kubera urugomo rwakorewe abigarambya uyu munsi, ishyirahamwe ry’abakozi (SPA) riyoboye imyigaragambyo muri Sudani ryabasabye gufunga ibiraro n’imihanda.

Khalaf yavuze ko yabonye uburyo abasirikare barashe abigarambya muri iki gitondo abirebeye kuri umwe mu bigaragambya wabinyuzagaho biri kuba kuri rubuga nkoranyambaga rwa Facebook. Avuga ko byatumye na we ahita ajyayo.

Yagize ati “Tugiye gukomeza kugeza inama ya gisirikare ivuyeho. Ngomba kwigaragambya kubera abandi batanze ubuzima bwabo".

Amakuru ibiro ntaramakuru Reuters bikesha ababibonye na televiziyo zitangaza ibiganiro mu Cyarabu, yemeza ko abasirikare binjiye mu bigaragambya bakabamishamo amasasu.

Baravuga ko ibi byakozwe mu rwego rwo gutatanya abigaragambya.
Hari amashusho ari gushyirwa ku mbuga nkoranyambaga agaragaza imyotsi myinshi ahari hahuriye abigaragambya.

Umwe muri bo yavuze ko bari gutwika amapine kugira ngo bahume amaso abasirikare babateye.

Biravugwa ko abantu batanu bamaze gupfira muri iyi midugararo n’abandi benshi bakomeretse.

Hari amashusho menshi - BBC itaremeza neza ukuri kwayo - ari gukwirakwizwa y’abakomeretse.

Abigaragambya baracyari imbere y’ibiro bikuru bya gisirikare i Khartoum, mu gihe abasirikare bacyumvikana n’abayoboye imyigaragambyo ku bakwiye kuba bagize leta y’inzibacyuho.

Kugeza ubu abasirikare bari baririnze gutatanya abigaragambya kuva igitutu cyabo cyahirika ubutegetsi bwa Omar al-Bashir wari ubumazeho imyaka 30, abasirikare bagafata ubutegetsi kuva ubwo.

Abigaragambya bavuga ko bifuza ko abasirikare barekura ubutegetsi bakabuha abasiviri.

Abayobozi b’ingabo muri Sudan bahakanye bivuye inyuma aya makuru,bavuga ko batigeze bakoresha amasasu mu gutandukanya abigaragambya.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umudepite uhagarariye leta ya Minessota yemeje ko perezida Trump azeguzwa...

Ilhan Omar umudepite uhagarariye leta ya Minnesota muri Amerika avuga ko...
17 September 2019 Yasuwe: 1677 0

Inzu y’igitangaza ya Mobutu wahoze ari Perezida wa Zaire yabaye...

Muri politike ibintu birahinduka umunota ku wundi kandi iyo ukuwe kuri iyo...
17 September 2019 Yasuwe: 4482 0

Umwarimu w’umunya Kenya watowe nk’uwa mbere ku isi yasuye Donald Trump muri...

Umwarimu ukomoka muri Kenya witwa Peter Tabichi waherukaga gutorwa nka...
17 September 2019 Yasuwe: 1350 0

Iran ngo yiteguye intambara na USA ndetse ibisasu bikomeye yabitunze ku...

Igihugu cya Iran cyabwiye Leta zunze ubumwe z’Amerika ko cyiteguye guhangana...
15 September 2019 Yasuwe: 4133 1

Donald Trump yashyize yemeza ko bishe umuhungu wa Osama Bin Laden ndetse...

Perezida wa USA,Donald Trump yemeje ko ko Hamza Bin Laden, umuhungu wa...
15 September 2019 Yasuwe: 2211 2

Amerika yahagaritse imfashanyo yahaga igihugu cy’u Burundi

Ibiro bya Reta Zunze ubumwe z’Amerika bishinzwe iterambere mpuzamahanga ,...
15 September 2019 Yasuwe: 1736 1