startimes

Tanzania:Umugabo w’umunyamerika yarohamye mu mazi arimo gusaba umukunzi we ko bashyingiranwa[AMAFOTO]

Amakuru   Yanditswe na: Martin Munezero 22 September 2019 Yasuwe: 5930

Umunyamerika Steven Weber ukomoka muri Louisiana, yarohamye mu mazi ubwo yari mu biruhuko muri Tanzania hamwe n’umukunzi we arimo kumusaba ko bashyingiranwa, mu cyumba bari bacumbitsemo kiri munsi y’amazi muri Manta Resort.



Weber n’umukunzi we Kenesha Antoine bari barishyuye amajoro ane muri icyo cyumba kiri nibura muri metero 250 uvuye ku nkombe. Ni icyumba cyihagazeho mu biciro kuko kukiraramo ijoro rimwe ari $1700, aho kiri muri metero 10 mu mazi hasi.

Ku munsi wa gatatu muri ine bagombaga kuhamara, ubwo ni ku wa Kane tariki 19 Nzeri 2019, wari umunsi udasanzwe ubwo Weber yifuzaga ko uwari umukunzi we ahinduka umugore we, yitegura kumusaba ko bashyingiranwa.

Mu gihe umukobwa yari mu cyumba cyo mu mazi gifite igice gikozwe n’ibirahuri, Weber yasohotse hanze yitwaje urupapuro ruriho amagambo y’urukundo, yarushyize mu ishashi ngo rudatoha. Yari yambaye amadarubindi atuma ashobora kureba mu mazi n’utuntu mu birenge dutuma yoga yihuta, gusa nta mwuka yitwaje.

Urupapuro yari yanditseho amagambo y’urukundo

Yinjiye mu mazi agera aho arebana n’umukunzi we wari wahimbawe, arimo kumufata amashusho anakubita agatwenge nk’uko bigaragara muri ayo mashusho yaje gushyirwa kuri Facebook.

Weber amuramburira rwa rwandiko ruriho amagambo agira ati “Ntabwo nshobora gukomeza guhumeka ngo nkubwire ibintu byose nkunda kuri wowe. Ariko ibyo nkunda kuri wowe ngenda ndushaho kubikunda buri bunsi!”


Yarahindukije amwereka ahanditse ngo “Wakwemera kumbera umugore? Twashyingiranwa?” Ahita anamwereka impeta yari afite mu mufuka w’ikabutura, gusa ukabona ko asa n’urimo kubura umwuka, ahita ava kuri camera. Ni naho ubuzima bwe burangirira!

Nk’uko Antoine yabivuze mu magambo yanditse kuri Facebook, yagize ati “Ntabwo wabashije kuva muri ubwo bujyakuzimu, bityo ntabwo washoboye kumva igisubizo cyanjye, Yego, Yego, yego inshuro miliyoni, nzashyingiranwa nawe!!”

“Ntabwo wabashije kwishimira intangiriro y’ubuzima bwacu tubana ubuziraherezo, kuko umunsi mwiza uruta indi mu buzima bwacu wahindutse umubi kuruta indi, mu buryo umuntu adashobora kwiyumvisha.”

Inzu babagamo iri mu mazi hagati

Uyu mukobwa yavuze ko agomba guhangana n’ibi bihe, kandi ko azahora azirikana ko mu bihe byabo bya nyuma basangiye ibyishimo by’igisagirane.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble IPNO

    Nubwo ntawa kwishimira ko umuntu yapfuye kuko twese tuzapfa kandi hagomba kugira ibidukura kuri iyisi.Ariko kandi umuntu asigaye yibaza imirengwe isigaye iba kuri iyisi bikamuyobera rwose.Iyo umuntu yiyemeza kujya kuba mumazi noneho akarengwa akava munzu akajya munyanja rwagati ngo agiye kwishimisha ubwo koko ubwonko buba bwagannye hehe.Imana yaturemeye isi kugirango tuyitureho hanyuma iremera amafi nibindi bisimba amazi ninyanja nabyo kugirango bibe ariho bitura.Iyo umurengwe wateye abantu rero bahindura Principal y’Imana bakabigira imbusane ariko kandi Imana ntitinda kubereka ko bibeshye.Iyisi isigaye ifite ibintu utekereza bikakuyobera rwose.Ngaho abagiye kwifata ama Selfie kumisozi bakahasiga ubuzima,abagiye gukina nintare zikabacamo kabiri.Yewe Isi igeze kwiherezo ndabarahiye pe.

    September 2019
  • chat_bubble gatare

    Birababaje.Ariko sinkeka ko n’ubundi bari kuzabana akaramata.Ingo nyinshi z’iki gihe zisenywa nuko baba barabanje kuryamana mbere y’ubukwe.N’aba byari ukwishimisha gusa.Mu gihe Imana ishaka ko abashakanye baba umwe nkuko Intangiriro 2:24 havuga,usanga ingo nyinshi zisenyuka ku bwinshi,ahanini kubera ubusambanyi.Kutumvira Imana,nibyo bituma iyi si yacu iba mbi.Reba intambara,ruswa,akarengane,ubusambanyi,ubujura,etc...Niyo mpamvu Imana yashyizeho umunsi w’imperuka ubwo izakura mu isi abantu bose bakora ibyo itubuza.

    September 2019

Inzindi nkuru

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 4305 1

Umugore wari umaze imyaka 9 yarabuze urubyaro hari hashize iminsi 26 abyaye...

Umugore wari umaze imyaka 9 yarabuze urubyaro, nyuma y’iminsi 26 abyaye...
3 July 2020 Yasuwe: 4580 1

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1615 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 1111 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 699 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6980 1