startimes

Tanzania yafatiye icyemezo gikarishye Canada yafatiriye indege yayo

Amakuru   Yanditswe na: Dusingizimana Remy 25 November 2019 Yasuwe: 2769

Igihugu cya Tanzania cyabwiye ubuyobozi bwa Canada ko gishobora guhagarika kugura indege zabo nibanga kurekura vuba na bwangu indege yabo bafatiriye mu cyumweru gishize kubera ideni babereyemo umuhinzi.



Minisitiri w’Ububanyi n’Amahanga wa Tanzania yavuze ko iki gihugu gishobora guhagarika gahunda yo kugura indege muri kompanyi Bombardier ya Canada.

Nk’uko bivugwa n’ikinyamakuru The Citizen cyo muri Tanzania, iyi ngingo itangajwe nyuma y’aho imwe mu ndege nshya ya kompanyi ya Air Tanzania ifatiriwe kubera impamvu y’ideni rya miliyoni 33 z’amadolari ya Amerika iki gihugu gifitiye umuhinzi w’umunya Afrika y’Epfo witwa Hermanus Steyn.

Minisitiri Pamagamba Kabudi yagize ati: "Canada ikwiriye kumenya ko iyo kompanyi atariyo yonyine ikora indege ku isi ".

Uyu muhinzi, Hermanus Steyn,iwavukiye muri Namibia, yatakaje isambu ye ngari yahingagamo imyaka nk’ibishyimbo ubwo leta yari muri gahunda yo gushyira ubutaka mu maboko yayo mu myaka ya 1980.

Usibye iyo sambu ye yatswe,hari kandi ibikoresho by’ubuhinzi, imodoka zibarirwa muri za magana ndetse n’indege nto ze zibarirwa mu macumi.

Nyuma yaje kugana ubucamanza,urukiko rutegeka ko ahabwa indishyi irenga miliyoni 30 z’amadolari y’Amerika.

Leta ya Tanzania ntiyigeze imuha iyo ndishyi yatsindiye yose uko yakabaye, bituma amafaranga yamusigayemo akomeza kugenda yiyongera uko imyaka yagiye ishira kubera inyungu z’ubukerererwe.

Ubu indishyi leta ya Tanzania imurimo igeze kuri miliyoni 33 z’amadolari y’Amerika.
Uyu wahoze ari umuhinzi, kuri ubu yatangajwe ko atemerewe gukandagira ku butaka bwa Tanzania. Ni ko guhitamo rero gukomereza ikibazo cye mu mahanga.

Ku ikubitiro yaganye muri Afurika y’Epfo, none ubu ageze muri Canada. Avuga ko leta z’ibyo bihugu zikwiye gufatira imitungo ya leta ya Tanzania ngo zimufashe kubona amafaranga y’indishyi imurimo.

Mu kwezi kwa munani uyu mwaka, Afurika y’Epfo yafatiriye indi ndege ya Tanzania kubera n’ubundi icyo kibazo, nyuma iza kuyirekura.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1278 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 875 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 663 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6844 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1141 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2224 0