skol
fortebet

Tanzania yisubiyeho yemeza ko itazacyura ku ngufu impunzi z’Abarundi

Yanditswe: Thursday 03, Oct 2019

Sponsored Ad

Igihugu cya Tanzania cyamaze kwisubiraho kivuga ko kitazacura ku ngufu impunzi z’Abarundi mu rwego rwo kubahiriza amasezerano mpuzamahanga agenga impunzi.

Sponsored Ad

Igihugu cya Tanzania cyavuze ko impunzi zisaga ibihumbi 200 z’Abarundi zahahungiye mu mwaka wa 2015 ubwo habaga imyigaragambyo yo kwamagana manda ya 3 ya Nkurunziza nta numwe uzacyurwa ku ngufu nkuko byari byavuzwe.

Uyu munsi mu kiganiro n’abanyamakuru i Dar es Salaam, umuvugizi wa Leta ya Tanzania, Hassan Abbas, yavuze ko Tanzania igomba kubahiriza amategeko mpuzamahanga yo mu mwaka wa 1951 yerekeye gucyura impunzi.

Ishirahamwe HCR rishinzwe impunzi kw’isi rivuga ko nubwo bisa naho amahoro yiyongereye mu gihugu cy’Uburundi hakiri kare kuba bacyura izi mpunzi zo muri Tanzania.

Bwana Abbas yavuze ko guha ubuhungiro impunzi ari politike ya Tanzania kuva kera, mu gihe mu bihugu zivukamo hari ibibazo by’umutekano.

Ati: "Tanzania yatangiye kwakira impunzi z’Abarundi mu myaka ya 1940,mbere y’uko n’amategeko mpuzamahanga arengera impunzi ashirwaho mu 1951".

Abbas yavuze ko mu Burundi amahoro yagarutse uretse utubazo duke tukigaragara ariyo mpamvu basabye impunzi zishaka gutaha kwiyandikisha.

Mu minsi ishize,umwe mu baminisitiri ba Tanzania yavuze ko impunzi z’Abarundi zizatangira gucyurwa ku ngufu guhera kuwa 01 Ukwakira uyu mwaka.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa