Trump yahamagaye Ubuyapani n’ Ubushinwa ngo bamufashe ikibazo cya Koreya ya Ruguru

24 April 2017. | Mu mahanga | 2 Ibitekerezo | Nsanzimana Ernest
  • Trump yahamagaye Ubuyapani n’ Ubushinwa ngo bamufashe ikibazo cya Koreya ya Ruguru

Perezida wa Leta zunze ubumwe z’ Amerika Donald Trump yahamagaye kuri telefone n’umuyobozi mu Buyapani n’uwo mu Bushinwa umwe ukwe, baganira ku mpungenge batewe na Koreya ya Ruguru.

Trump yamaranye iminota 30 kuri telefone na Minisitiri w’intebe w’Ubuyapani Shizo Abe. Yamuhamagaye agamije gushaka uburyo Pyongyang yarushaho kotswa igitutu kugira ngo idakomeza gukora ibikorwa by’ubushotoranyi.

Avugana n’abanyamakuru i Tokyo kuri uyu wa mbere, Abe yagize ati:“Turasaba dukomeje Koreya ya Ruguru, ikomeza ubushobotoranyi bwayo, kwifata”.

Yongeyeho ati: “Tuzakomeza kuba hafi ya Leta Zunze Ubumwe z’Amerika, dukurikiranire ibintu hafi kandi dusubize tutajenjetse”.

Ministiri w’ intebe w’Ubuyapani yanavuze ko we na Perezida Trump bemeranijwe ko uruhare runini mu gukemura ibibazo bya Pyongyang rugamba kugirwa n’Ubushinwa. BwanaTrump, ku ruhande rwe, yagiye avugana na perezida w’Ubushinwa Xi Jinping ibyerekeye Koreya ya Ruguru.

Perezida Jinping yavuze ko afite icyizere ko impande zose zizirinda gukora ikintu icyo aricyo cyose cyatuma ibintu birushaho kuba bibi mu kigobe cya Koreya nk’uko ibiro ntaramakuru by’Ubushinwa Xinhua byabitangaje.

Ibitekerezo
  • MyPassion

    THOMAS
    25 April 2017 - Musubize

    Andika Igitekerezo HanoIKIMASA GISHAJE BAGIKURURA AMABYA? NTAYAMANITSE?

  • MyPassion

    America burigihe yishora muntambara, kandi nta nimwe yigeze itsinda!
    Vietnam, Somalia, Ethiopia, Irac, Afganistani, Sylia, Yemen,....
    kuki ijya kwiyambaza ibindi bihugu ibishora mu ntambara kandi twumva ngo ni igihangange muri byose?
    intare ishaje, nta kanyamaswa katayikora mu jisho ryayo koko!!!
    America nayo iranze ikomeje kuba akiyo ntare !!

Tanga Igitekerezo