‘Twarabikoze’ ijambo rya Perezida Obama asezera

11 January 2017. | Mu mahanga | 0 Ibitekerezo | Nsanzimana Ernest
  • ‘Twarabikoze’  ijambo rya Perezida Obama asezera

Perezida wa Leta zunze ubumwe z’ Amerika ucyuye igihe Barack Obama, muri Leta Chicago yavuze ijambo asezera muri Perezidansi y’ iki gihugu avuga ko ibyo yasezeranyije Isi n’ Amerika by’ umwihariko yabikoze. Ati ‘ Twarabikoze’ ‘Yes, We did’.

Ku mugoroba wo kuri uyu wa kabiri tariki ya 10 Mutarama 2017 nibwo Perezida Obama yasezeye ku mugaragaro, ashimira abamufashije muri manda ebyiri zihwanye myaka 8 amaze ari Perezida wa Leta zunze ubumwe z’ Amerika. Obama yashimiye Umugore we n’ abana be, ashimira na visi Perezida Joe Biden aba bose bari imbere ye ubwo yagezaga iyi mbwirwaruhamwe ku baturage.

‘Yes we CAN’ ni imvugo Perezida Obama yakoreshaga inshuro nyinshi ashaka kumvikanisha ko Leta zunze ubumwe z’ Amerika ishoboye. Mu ijambo rye asezera yagarutse ku byo yari yaremeye kuzakora muri muri manda ze ebyiri ati “Twarabikoze”

Yagize ati “Niba narababwiye ko mu myaka 8 tuzahindura ibintu, ko tuzagura inganda z’ imodoka, ko tuzahindura paji y’ umubano wacu na Cuba, ko tuzaca intege uwateye ibyo kuwa 11 Nzeli 2001,(….) ibyo nibyo twakoze, nibyo mwakoze. Ku bw’ ibyo Amerika ni nziza kandi izakomeza kuba nziza kuko twarabitangiye”

Aha Obama yibutsaga Abanyamerika n’ abatuye Isi ko ku ngoma ye umubano wa Cuba na Leta zunze ubumwe z’ Amerika wongeye kuba nta makemwa, ko kandi ku ngoma ye aribwo Osama Bin Laden wagabye igitero kuri Amerika muri yishwe.

Tariki 20 Mutarama nibwo Perezida Donald Trump azarahira kuba Perezida wa 45 wa Leta zunze ubumwe z’ Amerika ahite asimbura Barack Obama muri White House.

Tanga Igitekerezo