Mu mahanga
Uburundi bwategetse abasirikare babwo kuguma muri Somalia ku ngufu
Yanditswe: Friday 01, Mar 2019
Sponsored Ad
Leta y’uburundi yabwiye abasirikare babwo bagera kuri 600 ko batagomba kujya ku kibuga cy’indege muri Somalia ngo batahe,bibatera urujijo kuko umuryango w’abibumbye wavuze ko kuri uyu wa Gatanu taliki ya 01 Werurwe 2019,utari bubagaburire cyangwa ngo ugire ikindi kintu nkenerwa ibaha.
Sponsored Ad
Aba basirikare 600 bari bamaze kuzinga ibyabo bitegura gutaha,bahita bakubitana n’itegeko rivuye I Bujumbura ko badakwiriye guhirahira ngo burire indege ibacyura mu rugo ndetse ibasaba kuguma muri Somalia byanze bikunze.
Umuryango wa Afurika yunze ubumwe na UN bari bategetse ko aba basirikare b’Uburundi baba bavuye muri Somalia bitarenze taliki ya 28 Gashyantare 2019,ariko uyu munsi baracyari muri iki gihugu ndetse ngo Nkurunziza yababwiye ko bagomba kuhaguma.
Leta y’Uburundi yasabye AMISOM ko mbere y’uko aba basirikare 600 bataha,hakorwa inama idasanzwe yo kubumvisha impamvu bafashe icyemezo cyo kwirukana abasirikare b’Uburundi babwinjirizaga akayabo ka miliyoni 18 z’amadolari buri kwezi.
Guhera kuri uyu wa Gatanu,izi ngabo 600 z’Uburundi ziratangira kwishakira ibyo kurya n’ibindi zikeneye kuko AU nta kintu na kimwe irongera kubaha.
Uburundi bwasabwe kugabanya ingabo 1000 muri 5,400 zayo ziba muri Somalia,bibabaza cyane Leta y’iki gihugu cyahabwaga amafaranga menshi aturutse muri UN kubera izi ngabo.
Abasirikare 400 bamaze gutaha mu Burundi guhera kuwa 21 Gashyantare 2019,ariko aba 600 ba nyuma Uburundi bwanze ko bataha.
AU yabwiye Uburundi ko umusirikare wabwo urakomereka muri aba 600 bagombaga gutaha ntacyo ibazwa ndetse yongera kwibutsa ko aba basirikare bakwiriye kuva muri Somalia byihutse.
Ibitekerezo
Akumiro namavunja wamugani ubwo barafata, agace kamwe bagashingemo ibendera ryuburundi, ga icyo nibaza Somalia se ni ntara yuburundi aliko abarundi manayanjye, uziko nigitambambuga kutagira ubwenge nkubu*
Yemwe ni akumiro!! Abantu benshi nyamara bafitemo ibibazo byinshi bakaba batavia ahari!!
Ubwo iyo leta iriho koko? Umuntu bamubwiye gucyura abantu be ikibazo kiba kirihe, none baziga ko bazagarira amahoro ntibatahe? Leta yuburundi ntabwo iriho, nabaswa gusa, ingabo zitagira umutware