skol
startimes

Ubutegetsi bushya bw’u Burundi nta kizere bufitiwe mu kubahiriza uburenganzira bwa muntu

Amakuru   Yanditswe na: Martin Munezero 18 September 2020 Yasuwe: 710

Ubutegetsi bushya bw’u Burundi buyobowe na Perezida Evariste Ndayishimiye nta kizere bufitiwe mu kuzana impinduka mu kubahiriza uburenganzira bwa muntu nkuko bigaragazwa na Raporo nshya ya komisiyo ya Loni ikora iperereza kuri iki gihugu.


Komisiyo ya Loni yakoze Raporo yamuritswe kuri uyu wa Kane tariki ya 17 Nzeri 2020 ivuga ko yashingiye ku byabaye mu Burundi kuva muri Gicurasi 2019, cyane cyane ibyabaye mu rugendo rw’amatora yo mu kwa gatanu 2020.

Raporo ivuga ko habaye ubwicanyi, iyicarubozo n’ihohotera rishingiye ku gitsina, ifungwa, kubuza abantu uburenganzira bw’ibanze, n’ibindi ivuga ko byakozwe ku mpamvu za politiki.

Ubwo iriya raporo yamurikwaga, Doudou Diène ukuriye komisiyo yayikoze yavuze ko igiteye inkeke ari uko abaregwa ibyo byaha bagihari. Ati:

Ikiduhangayikishije ni uko abantu bagiye bakora ibyo bagihari, kandi ubu bahawe imyanya ikomeye kurushaho, ntituvuze ko bazabikomeza ariko ni ikintu gihangayikishije. Ikindi gikomeye ni uko tutigeze tubona igikorwa na kimwe cyo gukurikirana cyangwa guhana abakomeje kuvugwa muri ibi bikorwa.

Mu batungwa agatoki mu kugira uruhare mu bikorwa bihonyoza uburenganzira bwa muntu i Burundi, harimo Imbonerakure, abategetsi bamwe, abapolisi n’abakozi b’urwego rushinzwe iperereza.

Raporo ya Komisiyo ya Loni ntivuga urutonde rw’abaregwa ibyaha ku nyoko muntu, mu rwego rwo kubahiriza ihame ry’uko umuntu utarahamwa n’icyaha aba akiri umwere, gusa ikavuga ko abakoze ibyo byaha bashobora guhanwa n’urukiko rwa ICC, hatitawe kuba u Burundi bwarikuye muri urwo rukiko.

U Burundi bushinjwa guhonyoza uburenganzira bwa muntu, mu gihe Perezida Evariste Ndayishimiye ubwo yarahiriraga kuyobora iki gihugu muri Kamena uyu mwaka guteza imbere uburenganzira bwa muntu biri mu byo yijeje Abarundi.

Raporo ya Komisiyo ya Loni yagiriye abategetsi b’u Burundi inama zitandukanye, zirimo: Kurekura abaharanira uburenganzira bwa muntu n’abanyamakuru bafunzwe, kubaha uburenganzira bw’abatavuga rumwe na leta, kubaha ibyo bemeye mu kubahiriza uburenganzira bw’abagore n’abana no kubuza Imbonerakure gukoresha ububasha bw’inzego z’umutekano no guhana abazigize bakora ibyaha nk’ibyo.

Leta y’u Burundi kandi yasabwe guhagarika kwinjiza abana mu Mbonerakure no gusenya umutwe w’abana w’ishyaka CNDD-FDD witwa ’imishwi y’ibyiyoni’.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Zimwe mu mbuga n’ikoranabuhanga zahagaritswe

Mbere y’amasaha make ngo muri Tanzania habe amatora y’Umukuru w’Igihugu...
27 October 2020 Yasuwe: 521 0

Reba ibihugu 5 bya mbere bifite igisirikare cyo mu kirere gikomeye muri...

Ingabo zirwanira mu kirere ni ishami ryo mu kirere ry’ingabo z’igihugu....
26 October 2020 Yasuwe: 4093 0

Amafoto yaciye ibintu:Reba Ibintu 6 bidasanzwe Abanya-Nigeria...

Abanya Nigeria bari mu myigaragambyo ya #EndSars ntibashobora kureka uyu...
26 October 2020 Yasuwe: 11344 0

Ishyaka rya Kabila ryigumuye kuri Perezida Felix Tshisekedi

Kuri uyu wa 22 Ukwakira 2020, ihuriro ry’amashyaka ya politiki ririmo FCC...
24 October 2020 Yasuwe: 3393 0

#CongoIsBleeding:Hashtag nshya yakuruye ibitekerezo k’ uburetwa bw’abana mu...

Ikoreshwa ry’abana bakiri bato mu birombe by’amabuye y’agaciro muri Repubulika...
24 October 2020 Yasuwe: 913 0

Abayoboke b’itorero White Tail bahisemo gusenga bambaye ubusa ngo kuko ariko...

Mu gace ka Southampton muri Leta ya Virginia, imwe mu zigize Leta Zunze...
24 October 2020 Yasuwe: 2447 3