Ubuyobozi bwa Boeing bwatangaje ko bwari buzi ikibazo cy’indege za 737 Max mbere y’uko zihitana abantu ntibwagikemura

Amakuru   Yanditswe na: Dusingizimana Remy 6 May 2019 Yasuwe: 2829

Ubuyobozi bwa Kompanyi ikora indege za Boeing bwemeje ko bari bazi ikibazo cy’indege zabo z’ubwoko bwa 737 Max umwaka umwe mbere y’impanuka zikomeye ziherutse kuba, ariko bwanga kugira icyo bukora hakiri kare.

Nkuko BBC ibitangaza,iyi kompanyi yemeye ko yakoze ikosa itabigambiriye ryo gukora uburyo bw’intabaza bw’indege butujuje ibisabwa, ariko ishimangira ko butari butume indege itaguruka.

Indege nyinshi za Boeing 737 Max zahagaritswe gufata ikirere mu kwezi kwa gatatu nyuma y’impanuka y’indege nk’iyi ya Ethiopian Airlines yahitanye abantu 157 muri Ethiopia.

Iyi yabaye hashize amezi atanu indi ndege nk’iyi ya kompanyi ya Lion Air nayo ihitanye abantu 189 muri Indonesia.

Boeing yatangaje ko yari igamije gukora uburyo bwujuje ibisabwa ariko yabonye ko atari ko byagenze itangiye kugurisha indege zayo kuri kompanyi zazitumije idakemuye iki kibazo.

Ivuga ko yari ifite umugambi wo gukemura iki kibazo nyuma aho yari kugenda ivugurura ubu buryo (software). Ikemeza ko yabonaga iyi yasohotse idateje ikibazo gikomeye.

Ibiro bishinzwe iby’indege muri Leta zunze ubumwe za Amerika byatangarije ibiro ntaramakuru Reuters ko Boeing itari yarigeze ibamenyesha iby’iki kibazo kugeza mu kwa 11 kwa 2018, ukwezi kumwe nyuma y’impanuka ya Lion Air.

Nyuma y’izi mpanuka, abahanga bemeje ko izi ndege zaguye zikica abantu kubera buriya buryo bwayo bwo gufata ikirere (AOA). Boeing nayo ubu yemeye ko uburyo bwa AOA bwatangaga amakuru atari yo mu gihe cy’impanuka.

Iyi kompanyi ubu ngo iri gukora ubundi buryo bushya bwo guhangana n’ibindi bibazo byose byatuma indege ihura n’ibibazo tekiniki iri mu kirere.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kwa papa bashyizeho ishapure y’ikoranabuhanga ihenze cyane kugira ngo...

I Vatican bari kwiyegereza urubyiruko muri iki gihe rukoresha cyane...
17 October 2019 Yasuwe: 2718 0

Perezida Erdogan wa Turkia yajugunye mu myanda ibaruwa yandikiwe na...

Ikinyamakuru BBC cyatangaje ko cyabwiwe ko Perezida Recep Tayyip Erdogan wa...
17 October 2019 Yasuwe: 2709 0

Ubuholandi: Umugabo araregwa gufunga umuryango we ngo bategereze...

Umugabo yatawe muri yombi nyuma yaho umuryango w’abantu utahuwe uhishwe mu...
17 October 2019 Yasuwe: 1278 0

Sudan:Abapolisi b’u Rwanda bambitswe imidari ishimangira ubwitange[AMAFOTO]

Kuri uyu wa Gatatu tariki ya 16 Ukwakira, umuryango w’abibumbye wambitse...
17 October 2019 Yasuwe: 584 0

Umusarani wa zahabu uherutse kwibwa mu Bwongereza ukomeje gufungisha...

Abandi bantu batatu batawe muri yombi na polisi ikomeje guhiga umusarani...
16 October 2019 Yasuwe: 2970 0

Burundi: Umugabo washinjwaga kugaburira inyeshyamba muri Kongo yiciwe muri...

Umugabo wafunzwe ku cyumweru taliki ya 13 Ukwakira 2019 azira kugaburira...
16 October 2019 Yasuwe: 2523 0