Ucyekwa mu gitero cy’uburozi mu Bwongereza yagizwe Intwari y’Uburusiya

Amakuru   Yanditswe na: Nsanzimana Ernest 27 September 2018 Yasuwe: 1064

Igitangazamakuru cyo kuri interineti gikora inkuru zicukumbuye cyatangaje ko umugabo w’Umurusiya ushinjwa kugira uruhare mu gitero cy’uburozi cyo mu mujyi wa Salisbury mu Bwongereza, ari umusirikare mukuru akaba yaranabiherewe ishimwe na Perezida Vladimir Putin w’Uburusiya.

Nyuma y’igikorwa cyo kugerageza kuroga Sergei Skripal - wahoze ari maneko w’Uburusiya akaza kumenera amabanga ubutasi bw’Ubwongereza - kwabaye mu kwezi kwa gatatu, abakora iperereza bo mu Bwongereza bavuze ko umwe muri babiri bacyekwa ari Ruslan Boshirov.

Perezida Putin yavuze ko Boshirov ari umuturage w’umusivile, kandi mu kiganiro na televiziyo y’Uburusiya, na we ubwe yavuze ko yasuye umujyi wa Salisbury nka mucyerarugendo.

Ariko igitangazamakuru cyo kuri interineti Bellingcat cyatangaje ko mu by’ukuri uyu mugabo ari maneko uzwi nka Koloneli Anatoliy Chepiga.

Iki gitangazamakuru kivuga ko yakoreye akazi k’ubutasi muri Chechnya no muri Ukraine ndetse akagirwa "Intwari y’Uburusiya" mu mwaka wa 2014.

Abategetsi bo mu Bwongereza ntacyo bari batangaza kuri aya makuru, ariko BBC yumva ko nta guhushanya kuriho kuri uwo mwirondoro.

Maria Zakharova, umuvugizi wa minisiteri y’ububanyi n’amahanga y’Uburusiya, yamaganye ayo makuru, avuga ko nta gihamya afite.

Sergei Skripal n’umukobwa we Yulia barogeshejwe uburozi bwa Novichok abategetsi b’Ubwongereza bavuga ko ari ubwo ku rwego rwa gisirikare, hari ku itariki ya 4 y’ukwezi kwa gatatu uyu mwaka.

Bombi bashoboye kurokoka, ariko Dawn Sturgess, umugore wo muri ako gace byabereyemo udafite aho ahuriye n’icyo gitero, yaje gupfa mu kwezi kwa karindwi kubera gukorwaho n’ubwo burozi.

Bitekerezwa ko Chepiga yinjiye mu Bwongereza agendeye ku mpapuro z’inzira z’impimbano, ari kumwe n’undi Murusiya wakoresheje izina rya Alexander Petrov.

Koloneli Anatoliy Chepiga ni muntu ki?

Uyu musirikare w’Uburusiya ufite imyaka 39 y’amavuko, yize amasomo ya gisirikare kuri rimwe mu mashuri yigamo indobanure mu Burusiya ndetse aba no mu mutwe udasanzwe uyoborwa n’ubutasi bwa gisirikare bw’iki gihugu.

Yatsindiye ibihembo 20 bya gisirikare kubera akazi ke.

Byemezwa ko yagaruwe gukorera mu murwa mukuru w’Uburusiya, Moscou, mu mwaka wa 2009, aho yaherewe umwirondoro utariwo akitwa Ruslan Boshirov, akaba amaze imyaka 9 akora akazi ke yiyoberanyije.

Mu kwezi kwa cumi na kabiri mu mwaka wa 2014, yagizwe intwari y’Uburusiya - umudari utangwa mu ibanga kandi ubusanzwe ugatangwa na perezida ubwe.

Uhabwa gusa abantu mbarwa buri mwaka . Icyo gihe watangiwe, gica amarenga yuko yaba yarawuhawe nk’igihembo ku kazi yakoreye muri Ukraine.

We na Petrov binjiye mu Bwongereza banyuze ku kibuga cy’indege cya Gatwick mu Bwongereza, baturutse i Moscou mu Burusiya, hari ku itariki ya 2 y’ukwezi kwa gatatu. Bahise basura umujyi wa Salisbury mu minsi ibiri ikurikiranye, harimo no ku itariki ya 4 y’ukwezi kwa gatatu - umunsi kuroga kwabereye ho.

Uwo munsi bahise basubira i Moscou. Kuva icyo gihe, bashyiriweho impapuro zo kubata muri yombi z’Uburayi n’iza polisi mpuzamahanga ya Interpol.

Uburusiya ntabwo bujya butanga abaturage babwo bacyekwaho ibyaha.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Al Shabab yagabye igitero muri Hoteli yo muri Kenya cyaguyemo abantu benshi...

Kuri uyu wa Kabiri Taliki ya 15 Mutarama 2019,umutwe w’iterabwoba wa...
15 January 2019 Yasuwe: 4826 0

Umubiligi yafunzwe azira kwica umukunzi we w’umunyarwandakazi wari...

Umubiligi w’imyaka 33 witwa Bénjamin J. yakatiwe igifungo cy’imyaka icumi...
15 January 2019 Yasuwe: 2688 1

Indege yari itwaye inyama yagonze inzu irashya abarenga 13 bahasiga ubuzima...

Indege y’imizigo ya Boeing 707 yibeshye ikibuga cy’indege muri Iran hafi...
14 January 2019 Yasuwe: 3001 0

Umuherwe wa mbere ku isi Jeff Bezos yashwanye n’umukunzi we aherutse...

Umuherwe wa mbere ku isi nyiri Amazon,Jeff Bezos yashwanye n’umukunzi we...
13 January 2019 Yasuwe: 2095 0

Abapolisi benshi ba RD Congo bategetswe kurinda inzu ya Martin...

Uruvunganzoka rw’abapolisi ba RDC rwategetswe kurinda amanywa na nijoro inzu...
13 January 2019 Yasuwe: 2019 0

Iturika rya Gas mu mujyi wa Paris ryakomerekeje benshi [AMAFOTO]

Polisi yo mu mujyi wa Paris yatangaje ko abantu 9 bakomerekeye bikomeye mu...
12 January 2019 Yasuwe: 1551 0