Uganda : Abanyeshuri 150 batawe muri yombi kubera guteza akaduruvayo mu mujyi

Amakuru   Yanditswe na: 9 April 2017 Yasuwe: 1875

Polisi ya Uganda yataye muri yombi nibura abanyeshuri 150 basindiye mu kabyiniro ko mu mujyi wa Mbale mu ijoro ryo ku wa Gatandatu rishyira kuri iki Cyumweru tariki 9 Mata 2017 bagateza akavuyo mu mujyi.

Abo banyeshuri bo mu bigo bitandukanye byo muri Uganda basanganywe ibiyobyabwenge n’ udukingirizo. Bari bafite akamenyero ko kujya mu kabyiro kitwa Lavilda buri wa Gatandatu. Kuri iyi nshuro basinze bateragura amabuye abagenzi n’ imodoka zatambukaga muri ako gace.

Umuyobozi wa polisi mu mujyi wa Mbale wategetse ko abo banyeshuri bafungwa yavuze ko barimo abakiri bato bafite imyaka 15 y’ amavuko.

Yagize ati “Twahisemo gufunga abanyeshuri 150…barimo abakiri bato bafite nk’ imyaka 18 y’ amavuko. Twabasanganye ibiyobyabwenge n’ udukingirizo”

Uwo mupolisi yongeyeho ko bamwe muri abo banyeshuri barimo babyina mu kabyiniro basa n’ abatambaye. Avuga kandi ko utubyiniro two muri ako gace twishimishirizwamo n’ abana batarageza ku byaka y’ ubukure kandi binyuranyije n’ amategeko.

Dail monitor dukesha iyi nkuru yatangaje ko benshi muri abo banyeshuri ari abiga mu bigo bicumbikira abanyeshuri.

Ahweera yavuze ko abo banyeshuri bose bafungiwe kuri sitasiyo ya polsi ya Mbale, ngo barimo gusuzumwa bazavamo abazagezwa imbere y’ ubutabera.

Yagize ati “Twatangiye kubasuzuma, abo twafatanye ibiyobyabwenge bazahanwa”

Uyu mupolisi yakomeje avuga ko hari na bamwe mu bayobozi b’aka kabyiniro batawe muri yombi bakurikiranyweho kureka abana bari munsi y’imyaka 18 bakinjira ariko by’umwihariko abana bafatanywe ibiyobyabwenge bo bakaba bagomba gukurikiranwa ku rundi rwego.

Pamela Watuwa, ni umuyobozi wungirije w’umujyi wa Mbale, yibukije ababyeyi inshingano za bo n’uruhare mu burere bw’abana cyane cyane mu gihe bari ku masomo ko batagomba kujya mu tubari n’ahandi hashobora gushyira ubuzima bwa bo mu kaga.

Yakomeje avuga ko aba bana iyo bamaze kubyina no kunywa ibiyobyabwenge batangira kwijandika mu bikorwa by’ubusambanyi.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Byavumbuwe ko hari ubumenyi umupilote mukuru w’indege ya Ethiopian Airlines...

Umupilote witwa Yared Getachew w’imyaka 29 ukomoka muri Ethiopia wari...
22 March 2019 Yasuwe: 11152 6

Hashyizwe hanze urutonde rw’ibihugu bifite abaturage bishimye kurusha...

Ku munsi wahariwe kwishima wizihijwe kuri uyu wa Gatatu Taliki ya 20...
21 March 2019 Yasuwe: 6688 6

Dr. Besigye yanyomoje ikinyamakuru cyavuze ko Passport leta ya Uganda...

Dr. Kiiza Kifefe Besigye ukuriye ihuriro ry’abatavuga rumwe n’ubutegetsi bwa...
21 March 2019 Yasuwe: 4452 0

Burundi:Abapolisi babiri bishwe n’umugizi wa nabi bivugwa ko ari umujura...

Abapolisi babiri barimo uwitwa APC Simbagoye Jean na APC Nshimiyimana...
20 March 2019 Yasuwe: 2046 0

Umunyarwanda yiciwe muri Uganda akubiswe kugeza apfuye

Umunyarwanda witwa Nzavugankize Cedric w’imyaka 40 y’amavuko yiciwe mu karere...
20 March 2019 Yasuwe: 3722 0

Putin yashyize ku mugaragaro ubwato bw’intambara bukomeye azifashisha...

Perezida w’Uburusiya Vladmir Putin ukomeje kwitegura ubushotoranyi bwa...
19 March 2019 Yasuwe: 7730 0