Uganda Airlines igiye gutangira gukorera ingendo mu Rwanda nyuma y’isinywa ry’amasezerano yo muri Angola

Amakuru   Yanditswe na: Dusingizimana Remy 21 September 2019 Yasuwe: 2827

Kompanyi y’indege ya Uganda Airlines itangiye vuba yiyemeje gutangira gukorera ingendo mu Rwanda nyuma y’aho umubano mubi wari hagati y’ibihugu byombi ugiye gusimburwa n’uwa kivandimwe.

Uganda Airlines yiyemeje ko guhera mu Ukuboza uyu mwaka indege zayo zizatangira gukorera ingendo mu Rwanda nkuko na Rwandair isanzwe ihagera.
Iyi kompanyi y’indege yavuze ko iri mu biganiro n’imijyi itandukanye muri Afurika irimo na Kigali kugira ngo indege zayo zijye ziyerekezamo.

Umuvugizi wa Uganda Airlines ,Jennifer Bamuturaki, yabwiye Chimpreports ko iyi kompanyi yari ifite gahunda yo kwerekeza mu Rwanda ariko umubano mubi wari hagati y’ibihugu byombi urabikerereza gusa ngo ubu ikibazo cyarakemutse.

Yagize ati “ Nibyo koko umubano mubi wari hagati y’u Rwanda na Uganda waradutegushye ariko ubu byarakemutse.

Twari dusanzwe dufitanye amasezerano y’imigenderanire y’indege na Kigali mbere y’uko ibibazo bya dipolomasi bivuka. Ni yo mpamvu mubona RwandAir ikiza muri Uganda.”

Bamuturaki yavuze ko bakinoza ingendo za Kigali na Johanesburg ariyo mpamvu bazakora ingendo za mbere muri iyi mijyi mu Ukuboza.

Yagize ati “Kigali ntituzajyayo mu kwezi gutaha. Tugiye kujya Bujumbura na Kilimandjaro na Mombasa kuwa 11 Ukwakira. Kigali na Johanesbourg ni muUkuboza. Twamaze gusaba impapuro zitwemerera gukoresha iyi mihanda,dutegereje igisubizo.”

Kuba Uganda Airlines yiteguye gukorera ingendo I Kigali ni ikigaragaza ko amasezerano ya Angola ari mu nzira nziza ku buryo mu minsi mike aratangira gushyirwa mu bikorwa.Uganda Airlines yari imaze imyaka isaga 20 idakora.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Schwarzenegger yavuze ko atigeze akunda politiki’ nubwo yabaye...

Arnold Schwarzenegger avuga ko nta gihe yigeze akunda politiki, uyu wari...
21 October 2019 Yasuwe: 831 0

Tanzania: Perezida Magufuli yagaragaye I Dar es Salaam ari guseka bikuraho...

Perezida wa Tanzania,John Pombe Magufuli yagaragaye mu mujyi wa Dar es...
21 October 2019 Yasuwe: 1478 0

Burundi: Biravugwa ko abavuye mu gisirikare n’Imbonerakure bahawe...

Abahoze mu gisirikare n’Imbonerakure bakomoka muri komini 3 zirimo Buganda,...
21 October 2019 Yasuwe: 1583 1

Hageragejwe urugendo rwa mbere rurerure rw’Indege

Kompanyi y’indege ya Australia yarangije igerageza ry’urugendo rurerure...
20 October 2019 Yasuwe: 2419 0

Igikomangoma cy’Ubwongereza Harry n’umugore we Meghan barifuza kwimukira muri...

Igikomangoma Harry cy’Ubwongereza n’umugore wacyo Meghan Markle bahishuye ko...
20 October 2019 Yasuwe: 4097 0

Tanzania: Biravugwa ko Perezida Magufuli arembye cyane

Amakuru ari gucaracara mu binyamakuru no ku mbuga nkoranyambaga muri...
20 October 2019 Yasuwe: 5550 1