Perezida Museveni yategetse ko igihugu cya Uganda gihagarika kugirana amasezerano n’ibigo bicuruza imikino y’amahirwe ndetse kitazongerera aigihe impushya zahawe kompanyi z’imikino y’amahirwe zihakorera,mu rwego rwo kuyica burundu.

Sponsored Ad

Umunyamabanga wa Leta ushinzwe imari n’ igenamigambi David Bahati, yavuze ko Perezida Museveni yaciye iteka ko izi kampani za betting zigomba gufungwa kuko ziyobya intekerezo y’ urubyiruko bigatuma ruba abanebwe.

Yagize ati "Twahawe amabwiriza na Perezida Museveni yo guhagarika guha impushya kompanyi z’imikino y’amahirwe no kuraguza umutwe. Perezida ubu yahaye amabwiriza akanama kayigenzura".

Mu mwaka wa 2017, BBC dukesha iyi nkuru yatangaje ko urubyiruko rwinshi muri iki gihugu rudafite akazi rugana imikino yo kuraguza umutwe rwizeye kubona imibereho.

Bahati yabwiye abitabiriye amasengesho yo ku cyumweru mu rusengero rw’ahitwa Rugarama Hill mu mujyi wa Kabale ko "kuva ubu, nta kompanyi nshya zizongera guhabwa uruhushya ndetse n’izisanzwe zikora, ntizizongererwa uruhushya igihe zahawe nikirangira".

Gusheta ku mikino ahanini y’umupira w’amaguru muri uganda byabaye umuco aho benshi mu rubyiruko baretse gukora bagana iyi mikino y’amahirwe.