Uganda: Umwana yahitanywe na Ebola yavanye muri RDC

Amakuru   Yanditswe na: Dusingizimana Remy 30 August 2019 Yasuwe: 1538

Abashinzwe ubuzima muri Uganda bemeje ko umwana w’imyaka icyenda basanzemo indwara ya Ebola ejo kuwa kane taliki ya 29 Kanama 2019 avuye muri DR Congo yamwishe ari mu kigo ivurirwamo muri Uganda.



Bavuga ko ubu bari gukorana na bagenzi babo bo muri Congo kugira ngo umubiri w’uyu mwana ushyingurwe uko bikwiriye iwabo.

Uyu mwana yapfuye mu gihe hari hariho ibiganiro byo kureba niba asubizwa muri Congo kuba ariho avurirwa.

Nyina w’uyu mwana arashyirwa mu kato, anasubire iwe muri DR Congo aho akurikiranwa.

Uyu mwana w’umukobwa w’imyaka icyenda yari yavanye na nyina muri DR Congo kuwa gatatu w’iki cyumweru baje kwivuza.

Kasese muri Uganda ni agace kari kuri 140Km uvuye mu mujyi wa Beni cyangwa uwa Butembo muri DR Congo.

Ibizamini by’amaraso byagaragaje ko uyu mwana afite Ebola ejo kuwa kane.

Uyu mwana yari yaketsweho iyi ndwara ubwo ku mupaka wa Mpondwe bapimaga abambuka bakamusangana umuriro ukabije no kuva amaraso mu kanwa.

Ubu yashyizwe mu bitaro bya Bwera mu ishami rishinzwe kuvura Ebola nk’uko BBC ibitangaza.

Mu kwezi kwa gatandatu muri aka gace ka Uganda hagaragaye abantu babiri bafite Ebola.

Umugabo w’umunya-Uganda n’umugore we w’umunye-Congo bapfushije abana babo babiri bafashwe na Ebola bagiye hakurya muri Congo.

Ebola muri DR Congo imaze gufata abantu 3,000 kuva mu kwezi kwa munani umwaka ushize, abarenga 1,800 yarabahitanye nk’uko bivugwa n’ishami ry’umuryango w’abibumbye ryita ku buzima.

Hashize iminsi hari imiti iri kwifashishwa mu kuvura Ebola, abahanga bavuga ko ivura neza ku kigero cya 90%. Hari kandi uruingo rw’iyi ndwara ariko rudahagije kuri bose.

Ibihugu by’u Rwanda n’u Burundi byafashe ingamba zikomeye mu gusuzuma abambuka umupaka wabyo na DR Congo birinda ko iyi ndwara ibageraho.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kenya:Umupolisi yafashwe n’abaturage ari gukora mu mufuka wa afande we...

Umupolisi wo mu gihugu cya Kenya, arashinjwa n’abaturage gukora mu mu mufuka...
9 December 2019 Yasuwe: 356 0

Urukiko rwa Afurika y’ Uburasirazuba rwatesheje agaciro ikirego cya Perezida...

Urukiko rwa Afurika y’ Iburasirazuba EACJ rwatesheje agaciro ikirego...
9 December 2019 Yasuwe: 938 0

Imitwe 6 y’inyeshyamba zo muri RDC yishyize hamwe kugira ngo ifashe FARDC...

Imitwe 6 y’inyeshyamba y’abaKongomani,yiyemeje kwifatanya n’ingabo za...
8 December 2019 Yasuwe: 4172 0

Umwarimukazi yasambanyije abanyeshuri benshi b’abahungu aruta

Umukozi w’umwalimu witwa Kirstie Rosa yatawe muri yombi azira gusambanya...
8 December 2019 Yasuwe: 3157 1

Umukobwa na Papa we barakundanye bigera aho babana nk’umugabo n’umugore none...

Iby’isi ni amayobera nk’uko abantu bakunze kubivuga.Urukundo rw’umwana...
7 December 2019 Yasuwe: 7485 1

Ubuhamya bw’umukobwa wakoranye imibonano mpuzabitsina n’umusore usiramuye...

Nabyirukiye muri Amerika, mu myaka myinshi namaze ndi umukobwa, naje...
6 December 2019 Yasuwe: 9121 3