addresiya
startimes

Uganda yafashe umwanzuro wo kongera umubare w’abasirikare ku mipaka iyihuza n’u Rwanda

Amakuru   Yanditswe na: Martin Munezero 25 March 2020 Yasuwe: 9727

Uganda yafashe umwanzuro wo kongera umubare w’abasirikare ku mipaka iyihuza n’u Rwanda mu rwego rwo gukumira ikwirakwizwa rya COVID-19.



Amakuru avuga ko bafashe uyu mwanzuro nyuma y’uko ngo bigaragaye ko hari abinjira muri Uganda mu buryo butemewe bavuye mu Rwanda kandi Perezida Museveni yaratangaje ko imipaka ifunzwe.

Komiseri wo mu karere ka Kabale , Darius Nandinda, yatangaje ko impamvu bakoze ibi , ari uko umubare w’abanduye Coronavirus mu Rwanda ukomeje kwiyongera.

Nandinda yavuze ko aba basirikare bashyizwe ku mipaka ari abasimbuye abapolisi bahashyizwe mbere kugira ngo nabo bajye kuruhuka.

Nandinda yagize ati ” Aba basirikare baje gusimbura abapolisi bahamaze iminsi , imipaka iduhuza n’u Rwanda irafunzwe mu rwego rwo kwirinda ikwirakwira rya Cotonavirus ihangayikishije ibihugu byacu n’Isi muri rusange.”

Yakomeje agira ati ” Abanyarwanda baba hano muri Uganda barahaguma ndetse banahabwe serivisi zitandukanye , nabanya-Uganda bari mu Rwanda barahaguma kugeza igihe iki cyorezo kizashirira mu rwego rwo kwirinda ko kigera hose .”

Umuyobozi w’akarere ka Kabale yatangaje ko ibi babikoze kubera amabwiriza bahawe na Perezida Museveni .

Si ubwa mbere imipaka ihuza u Rwanda na Uganda yafungwa dore ko byatangiye mu mwaka ushize aho u Rwanda rwashinjaga Uganda gutera inkunga imitwe igamije guhungabanya umutekano w’u Rwanda.

Kugeza ubu ingamba ziri gufatwa mu kurwanya no kwirinda Coronavirus zirimo kugira isuku bakaraba intoki, abantu basabwa kuguma mu rugo , amasoko n’amaduka atari ay’ibiribwa yarafunze , utubare turafungwa , ingendo z’indege zirafungwa , ingendo zihuza uturere n’imijyi zirahagarikwa n’ibindi bihuriza hamwe abantu benshi birahagarikwa.

Ibimenyetso bya Coronavirus harimo kugira umuriro mwinshi , inkorora , ibicurane no kugira ikibazo mu myanya y’ubuhumekero.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 4378 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1296 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3292 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1292 0

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 2783 1

Umugore yishe abana be 3 nawe agerageza kwiyahura urupfu ruramwanga...

Mu guhugu cya Philippines, umubyeyi w’abana batatu barimo umwe wari ukiri ku...
27 May 2020 Yasuwe: 3369 0