Uko isi yiriwe Taliki ya 11 Mutarama 2019:Martin Fayulu agiye kujuririra ibyavuye mu matora

Amakuru   Yanditswe na: Dusingizimana Remy 11 January 2019 Yasuwe: 1467

Martin Fayulu watsinzwe amatora muri Repubulika iharanira demokarasi ya Kongo na Felix Tshisekedi yatangaje ko agiye kujuririra ibyavuye mu matora mu rukiko rurinda itegeko nshinga kuko yatsinze amatora n’amajwi 61%.

Fayulu wabaye uwa kabiri mu gutirwa cyane muri Congo,n’amajwi 34.8% yavuze ko Komisiyo y’igihugu y’amatora yamwibye amajwi iyaha Tshisekedi ariyo mpamvu agiye kujurira.

Yagize ati “Kuri uyu wa Gatandatu turajya mu rukiko rurinda itegeko nshinga gusaba ko amajwi yasubirwamo akabarurwa.”

Fayulu yari yiteze ko azatsinda amatora cyane ko kiliziya gatolika muri RDC yari yatangaje mbere ko ariwe watsinze binyuze mu ndorerezi zayo.

Abanyeshuli batsinze ibizamini bya Leta batarabona ibigo barasaba REB gufashwa byihuse


Bamwe mu banyeshuli batsinze ibizamini bya Leta mu mashuli abanza n’icyiciro rusange bari mu gihirahiro kubera ko batarabona ibigo by’amashuli bazigaho.

Hirya no hino mu Rwanda abanyeshuli baribaza uko bazatangira amasomo kuwa mbere w’icyumweru gitaha nkuko babitangarije Radio Rwanda.

Umwe muri aba banyeshuri yagize ati “Nk’ubu tuzatangira ku wa mbere, ntiturabona babyeyi ngo umuntu amenye nzishyura angahe? Tuziga hehe, tuzishyura hehe n’ibigo tuzigaho.”

Undi ati “Naratsinze njya kuri Cyber kureba ko amanota yanjye yasohotse, amanota ndayabona noneho ntegereza ko mbona babyeyi ndayibura nsubiye kuri Cyber barambwira ngo njye ku Karere ka Gasabo ndatega njyayo, kugeza n’ubu ntabwo ndabona babyeyi sinzi ikigo nzajya kwigaho.”

Umuyobozi ushinzwe ibizamini n’Isuzumabumenyi mu Kigo gishinzwe guteza imbere uburezi mu Rwanda, Dr Sebaganwa Alphonse, avuga ko ikoranabuhanga ryakoreshejwe bwa mbere abanyeshuri biyandikisha kugira ngo bazakore ibizamini, ari kimwe mu byateje iki kibazo.

Yagize ati “Buri munyeshuri agira iyo nimero ndangamunyeshuri igomba guhura n’izina rye ari na yo akoresha kugeza mu kizami, ari nayo dukoresha kugera tumuhaye ikigo ajyaho, aho niho habereye amakosa abayobozi bamwe b’ibigo by’amashuri ntibakora akazi kabo neza kuko hari n’abatarabikoraga babihaga abandi ngo babibakorere, ugasanga ntibabikoze neza kuko hari n’abadahugukiwe cyane ikoranabuhanga.”

REB yohereje abakozi mu turere twose kugira ngo babonane n’abayobozi b’amashuri mu gukemura ibi bibazo vuba.

UEFA yamaze gutangaza ikipe y’umwaka yatowe n’abafana

Ishyirahamwe ry’umupira w’amaguru I Burayi ryamaze gutangaza ikipe yatowe n’abafana y’abakinyi 11bitwaye neza mu mwaka w’imikino ushize.

Muri aba bakinnyi ntihagaragayemo umukinnyi Mohamed Salah witwaye neza mu mikino ya UEFA Champions League ishize ndetse na Neymar Jr.

Abagize ikipe y’umwaka ya UEFA yatowe n’abafana:

Umunyezamu: Marc-André ter Stegen

Ba myugariro:Sergio Ramos,Virgil van Dijk,Raphaël Varane,Marcelo

Abakinnyi bo hagati: N’Golo Kanté ,Luka Modrić,Eden Hazard

Ba rutahizamu: Kylian Mbappé,Lionel Messi,Cristiano Ronaldo

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble hhh

    Isi yanyu se igarukira muri Congo? Muba mudutuburira gusa

    2 months ago

Inzindi nkuru

Vladmir Putin yohereje indege zuzuye abasirikare bo gufasha Maduro Amerika...

Perezida w’Uburusiya yongeye gukora mu jisho US,ubwo yoherezaga indege...
25 March 2019 Yasuwe: 3282 0

Bobi Wine yateze iminsi Perezida Museveni

Depite Robert Kyagulanyi uzwi nka Bobi Wine atangaza ko iminsi ya Yoweri...
25 March 2019 Yasuwe: 2183 0

Burundi: Umugabo yishe indaya bakoranaga imibonano mpuzabitsina nawe ahita...

Umugabo witwa Enock Nibimpa ukomoka muri Komini Mutumba, mu Ntara ya...
25 March 2019 Yasuwe: 3251 1

Majoro mu ngabo za Congo yishwe arashwe n’umurinzi we

Majoro Ngalabuka Joel waruhagarariye ingabo mu gisirikare cya Repubulika...
24 March 2019 Yasuwe: 4292 0

Abadepite babiri ba NRM barashinjwa gusambanira mu mwiherero warimo na...

Ibinyamakuru byo muri Uganda byacitse ururondogoro kubera inkuru iri...
24 March 2019 Yasuwe: 9003 1

Perezida Museveni akomeje gusura ibigo bya gisirikare bitandukanye muri...

Perezida wa Uganda,Yoweli Kaguta Museveni yongeye kugaragara ari kumwe...
24 March 2019 Yasuwe: 6439 1