Umufasha wa perezida Trump ari mu bitaro

Amakuru   Yanditswe na: Dusingizimana Remy 15 May 2018 Yasuwe: 1523

Umugore wa Perezida wa USA Donald Trump witwa Melania Trump ari mu bitaro byitwa Walter Reed National Military Medical Center aho ari kuvugwa uburwayi afite bw’impyiko,abaganga bavuze ko budakanganye.

Uyu mufasha yabazwe ku munsi w’ejo umugabo we Donald Trump adahari,gusa yagiye kumusura mu masaha ya nyuma ya saa sita.

Abinyujije ku rukuta rwe rwa Twitter,Trump yatangaje ko yerekeje kuri ibi bitaro kugira ngo asure umufasha we,amara impungenge abantu ko ameze neza ndetse uburwayi bwe budakanganye.

Melania Trump yagiye kwa muganga kugira ngo abagwe kamwe mu duce twe tw’umubiri kaba mu mpyiko kajyamo amazi.

Abo mu biro by’umufasha w’umukuru w’igihugu batangaje ko uburwayi bwa Melania budateye ikibazo,arakira vuba.

Trump yamaze isaha kuri ibi bitaro aho yahise yongera kugaruka kuri White House mu kazi mu gihe umufasha we agomba kumara icyumweru mu bitaro kugira ngo abashe gukira neza,nyuma yo kubagwa.

Melania w’imyaka 48 y’amavuko, abaye undi mufasha wa perezida wa USA ugize uburwayi butuma abagwa,nyuma ya Rosalynn Carter wari umufasha wa Jimmy Carter wabazwe ibere mu mwaka wa 1977.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibiyobyabwenge byatumye umusirikari afata ku ngufu umugore bahuriye mu...

Umugabo witwa Connor Brayley w’imyaka 24 usanzwe ari umusirikare,yanyoye...
26 May 2018 Yasuwe: 1558 0

Amerika yatangaje ko yiteguye gutera Koreya ya ruguru mu minsi iri...

Ubuvugizi bw’ingabo za Leta Zunze ubumwe z’Amerika bwavuze ko ingabo za...
25 May 2018 Yasuwe: 3054 0

Abarusiya batahuwe ko aribo barashe ya ndege ya Malaysia Airlines yari...

Ingabo z’Uburusiya zari zikambitse muri Ukraine mu gace ka Kursk, nizo...
24 May 2018 Yasuwe: 4266 1

Umukobwa w’umuzungu yaciwe akayabo kubera gutuka umuganga w’umwirabura akanga...

Umukobwa witwa Zena Edwards ukomoka muri Wales, yaciwe akayabo k’amapawundi...
23 May 2018 Yasuwe: 2477 1

Imbwa y’inkazi yariye umwana muto rubanda ruhurura ruje gufata amashusho...

Imbwa yo mu bwoko bwa Pit bull yariye umwana wo mu Bushinwa uzwi nka Wu...
22 May 2018 Yasuwe: 3729 0

Uko isi yiriwe tariki 21 Gicurasi 2018

Mu nshamake y’ uko Isi ya tariki 21 Gicurasi 2018 yiriwe harimo ko Amerika...
21 May 2018 Yasuwe: 2477 0