skol
startimes

Umugabo wasengaga Donald Trump nk’imana yapfuye mugihe cyo kwiyiriza ubusa

Amakuru   Yanditswe na: Martin Munezero 14 October 2020 Yasuwe: 6163

Umusore w’imyaka 33 ukomoka mu gace ka Telangana, mu Buhinde wavugishije benshi nyuma yo guhindura icyumba cye urusengero rwa Perezida wa Leta zunze ubumwe za Amerika Donald Trump, yapfuye ubwo yari yiyirije ubusa amusabira kugira ngo akire Coronavirus.


Ku Cyumweru tariki ya 11 Ukwakira 2020, Bussa Krishna wari uhangayikishijwe n’ubuzima bwa Perezida wa Amerika nyuma yo kwandura COVID-19, yapfuye azize uguhagarara k’umutima.

Umuryango wa nyakwigendera wemeje ko yatangiye kwiyiriza ubusa nyuma yo kumenya ko Donald Trump arwaye Coronavirus, wavuze ko yaguye ubwo yari kunywa icyayi mu rugo rwa mwene wabo mu gace ka Toopran mu karere ka Medak muri Telangana. Mubyara we Vivek yabwiye abanyamakuru; ati:

Yumvaga yihebye mu byumweru bibiri bishize nyuma yo kumenya ko Trump na Melania bipimishije Covid-19 bagasanga baranduye. Ariko yari muzima kandi nta kibazo cy’ubuzima yari afite mbere.

Krishna waretse ishuri atarangije, yabaye umuhinzi nyuma yuko ababyeyi be bimukiye i Toopran mu myaka mike ishize. Umugore we yapfuye umwaka ushize ubwo yarimo abyara u umuhungu.

Krishna yatangiye gusenga perezida w’Amerika nyuma yuko muri Gashyantare 2017, Srinivas Kuchibhotla, Umuhinde w’umuhanga mu bya mudasobwa, yishwe n’umukambwe w’umunya Amerika wahoze mu ngabo zirwanira mu mazi mu gikorwa cy’ubugizi bwa nabi bushingiye ku nzangano.

Icyo gihe Bussa Krishna yagize ati:

Nababajwe cyane n’icyo gikorwa cy’ubwicanyi. Natekerezaga ko inzira imwe gusa perezida w’Amerika n’abaturage be bashoboraga kumva ugukomera kw’Abahinde ari ukubagaragariza urukundo tubakunda. Niyo mpamvu natangiye gusenga Trump nizeye ko umunsi umwe amasengesho azamugeraho.

Yakomeje yubaka igishusho cya metero esheshatu cya Perezida wa Amerika yasengaga. Krishna kandi yiyirizaga ubusa buri wa gatanu kugirango asengere ubuzima bwa Donald Trump.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abakoresha WhatsApp batangiye kuyitera umugongo

Urubuga rwa WhatsApp mu nzira yo gutakaza umubare munini w’abayikoresha dore...
13 January 2021 Yasuwe: 6032 0

Guverinoma ya Uganda yafatiwe icyemezo gikakaye

Guverinoma ya Uganda yakomwe mu nkokora n’urubuga nkoranyambaga rwa Facebook...
13 January 2021 Yasuwe: 5976 0

Umugambi wo kwigaragambya muri Uganda hose wamenyekanye

Abdul Kabenge, umwe mu bahuzabikorwa bo muri National Unity Platform (NUP)...
13 January 2021 Yasuwe: 5632 0

Jeff Bezos mu minsi 4 gusa yisubije umwanya we wa mbere w’umuntu ukize ku...

Umuherwe Jeff Bezos warusanzwe ari umukire agakurwaho na Elon Musk nyuma...
13 January 2021 Yasuwe: 3437 0

Bwa mbere Schwarzenegger wamamaye nka Komando yanenze Trump bahuje...

Icyamamare mu bya sinema akaba abarizwa no muri politike Arnold...
12 January 2021 Yasuwe: 4458 0

Michelle Obama yishe rimwe mu mahame adasanzwe buri muntu, kugera no ku...

Guhura n’umwamikazi w’u Bwongereza ndetse n’abagize umuryango w’ibwami bifatwa...
11 January 2021 Yasuwe: 9625 0