Umugabo wishe umukobwa we w’imyaka 7 amuziza kudakora umukoro wo ku ishuri yatawe muri yombi

Amakuru   Yanditswe na: Martin Munezero 6 March 2020 Yasuwe: 4183

Ku wa mbere tariki 2 Werurwe 2020, polisi ya Uganda yataye muri yombi umugabo akurikiranyweho kwica umukobwa we w’imyaka irindwi amuziza kudakora umukoro wo gukorera mu rugo yari yahawe ku ishuri.



Uyu mugabo ukekwaho icyaha cyo gukubita akica umwana we, yajyanywe kuri sitasiyo ya Polisi mu gihe umukobwa wakubiswe yajyanywe ku ivuriro ariko abaganga bananirwa gucunga imiterere ye niko kumwohereza mu bindi bitaro aho yapfiriye ejo kuwa Gatatu mu gitondo.

Nk’uko ikinyamakuru Daily Monitor kibitangaza, ku wa mbere saa moya z’umugoroba, uyu mugabo ngo yasubiye mu rugo avuye ku mirimo ye yo kubumba amatafari, ageze mu rugo abaza umukobwa we Irene Nambalirwa niba yarakoze umukoro we yahawe ku ishuri, uwo mwana wiga mu mashuri abanza yavuze ko atakoze uwo mukoro.

Polisi ivuga ko uyu mugabo ukekwaho icyaha yakubise umukobwa we bikabije kugeza abaye intere nyuma biza kumuviramo gupfa. Uyu nyakwigendera na se bombi bakaba bari nacumbitse kwa nyirakuru ubyara se.



Onyango ati: “ Mu ka se w’umwana yahamagaye abaturage kugira ngo bamufashe kubuza umugabo we gukubita umukobwa ariko aranga. Abaturage ni bo bahamagaye abapolisi bo mu ishami rishinzwe kurengera abana n’umuryango i Kawempe kugira ngo bafate uwo mugabo ukekwaho icyaha.”

Ku munsi w’ejo ku wa Gatatu, nyuma y’urupfu rw’uyu mukobwa, umuvugizi wa polisi y’umujyi wa Kampala, Patrick Onyango, yasobanuye ko mu ka se w’umukobwa yagerageje kubuza umugabo we gukubita umukobwa we ariko ntiyamwumva akomeza kumuhondagura.

Onyango yagize ati: “ Twaganiriye na se avuga ko icyo yari agamije atari ukwica umukobwa ahubwo ko ari ukumuhana kubera ko atakoze umukoro ku gihe.“



Uyu mugabo se w’uyu mukobwa yagumye kuri sitasiyo ya Polisi mu gihe iperereza rigikomeje, Onyango kandi yavuze ko ukekwaho icyaha azashinjwa ubwicanyi, kandi ko dosiye ye iri bwoherezwe umuyobozi w’ubushinjacyaha uyu munsi kuwa Kane.

Abaturanyi b’uyu mugabo baganiriye na Daily Monitor, n’umujinya mwinshi bavuze ko atari ubwa mbere uyu mugabo ukubise umukobwa we cyane.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Bamwe mu baturage bo mu Buhinde bahisemo kwituranira n’inyoni...

Abaturage 7 bo mu Buhindi bakoze agashya katunguye benshi ubwo bafataga...
3 April 2020 Yasuwe: 2361 1

Covid-19:Muri Amerika imbunda nizo ziri kugurwa ku bwinshi

Biragaragara ko muri iyi minsiAbanyamerika batari kugura ibiryo n’impapuro...
2 April 2020 Yasuwe: 4893 0

Muri Iran abantu barenga 1300 bigabije ikiyobyabwenge bakinywa ku bwinshi...

Muri Iran, abantu barenga 1300 bigabije ikiyobyabwenge cya Methanol...
1 April 2020 Yasuwe: 3286 0

Covid-19:Muri Nigeria abadepite bemeye kudahembwa

Abadepite bo muri Nigeria bemeye gukatwa imishahara yabo y’amezi abiri...
1 April 2020 Yasuwe: 785 0

Abantu babarirwa hagati ya 100, 000 na 200, 000 bashobora guhitanwa na...

Perezida wa Leta zunze ubumwe za Amerika, Donald Trump yatangaje ko abantu...
31 March 2020 Yasuwe: 2532 0

Ubwoba bwa Coronavirus bwatumye abaturage muri Amerika biba...

Mu gihe ibihugu hirya no hino ku Isi bihangayikishijwe n’icyoerzo cya...
30 March 2020 Yasuwe: 5451 1