Umugabo ukomoka muri Repubulika iharanira demokarasi ya Kongo yatawe muri yombi azira guca umutwe umugore we n’umuhungu we uri munsi y’imyaka 18 kuwa Gatanu w’iki cyumweru, nyuma yo kubisabwa n’umupfumu wamubwiye ko nabikora arahita ahinduka umukire.

Sponsored Ad

Uyu mugabo wihekuye akomoka mu gace ka Mahagi mu mudugudu witwa Patole,ngo yabikoze nyuma y’iminsi mike uyu mugore we n’umuhungu we bamuviriyeho inda imwe bamushinja kubana n’ubwandu bwa Virusi itera SIDA,nkuko David Mokili Mungunuti ukuriye umuryango wita ku burenganzira bw’ikiremwamuntu muri RDC yabitangaje.

Abagize umuryango w’uyu mugore baturutse mu kindi giturage bariye karungu,niko guhita batwika amazu arenga 40 muri iki giturage umwana wabo yari atuyemo,barangije batwara umurambo we n’uyu muhungu we nkuko Radio Okapi yabitangaje.

Umwe mu batuye mu cyaro cya Patole yatangaje ko uyu mugabo wari uzwi cyane muri aka gace yaciye imitwe uyu mugore we n’umuhungu we ubwo bari basinziriye.