Umukecuru w’ imyaka 73 yabonye impamyabumenyi ya Kaminuza

Amakuru   Yanditswe na: Nsanzimana Ernest 6 October 2018 Yasuwe: 1628

Tangu Mhlanga Mazaba, umukecuru wo muri Zambia w’imyaka 73 y’amavuko, yabonye impamyabumenyi y’icyiciro cya gatatu cya kaminuza (master’s degree) mu kuyobora ibigo by’imari no kwihangira umurimo.
Ni impamyabumenyi yahawe na Kaminuza ya Lusaka.
Uyu mukecuru ufite abana batanu n’abuzukuru 10, ni umwe mu banyeshuri babarirwa mu magana bahawe impamyabumenyi zabo n’iyi kaminuza ku wa kane w’iki cyumweru.

Yabwiye BBC impamvu yatumye asubira mu ishuri.
Yagize ati:"Namye mfite impungenge z’ukuntu nk’umuntu wari uriho ubwo Zambia yabonaga ubwigenge mu mwaka wa 1964, nta kintu twakoze kigaragara ngo twicungire imari yacu bwite."

"Ni yo mpamvu niyemeje gusubira mu ishuri kugira ngo ngire icyo nsohoza cyamye kindi ku mutima. Zambia yagera gusa ku iterambere ari uko Abanyazambia bashoboye kwicungira umutungo wabo n’ubukungu bwabo."

"Ku giti cyanjye, ubu ndigushishikariza abandi njya mu nsengero nkabwira abantu ko bakwiye kwigira kandi ntibategereze iteka ubufasha bwa leta."
Madamu Mazaba ukora mu bijyanye no kubika amakuru y’imyirondoro y’abanyeshuri kuri kaminuza yigisha ubuganga ya Apex Medical University mu murwa mukuru Lusaka, avuga kandi ko yatewe umuhate n’abantu bakorana mu kazi.
Yavuze ko iyo ari indi mpamvu yatumye yiyandikisha agatangira kwiga amasomo y’icyo cyiciro cya kaminuza amara umwaka umwe urengaho gato.

Yagize ati:"Iteka mba ndigukorana n’abarimu ba kaminuza n’abandi bantu bize cyane, rero naribwiye nti, kuki ntasubira ku ishuri?"
"Ntabwo byari byoroshye. Ku manywa nagombaga kwiga, hanyuma nijoro nkakora imikoro yo mu rugo."
"Ariko niganaga n’abantu benshi bankunda, nuko kera kabaye abakoresha banjye na bo bampa ikiruhuko ku kazi kugira ngo mbone uko nita ku masomo."

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ababuriye ababo mu mpanuka y’indege ya Ethiopian Airlines babwiwe ko...

Bene wabo w’abaguye mu mpanuka y’indege ya Ethiopian Airlines bemerewe...
17 March 2019 Yasuwe: 6335 0

Ababuriye ababo mu mpanuka y’indege ya Ethiopian Airlines bahawe ubutaka...

Ubuyobozi bwa Ethiopian Airlines bwahaye imifuka irimo igitaka abavandimwe...
17 March 2019 Yasuwe: 3761 0

Abanyeshuri 12 b’Abanyarwanda banze gutaha nyuma y’ifungwa ry’ikigo bigagamo...

Abanyeshuri 12 b’Abanyarwanda banze kuva muri Uganda nyuma y’uko ikigo bari...
16 March 2019 Yasuwe: 4469 0

RDC:Ishyaka rya Kabila ryatsindiye imyanya myinshi muri Sena bimuhesha...

Urugaga rw’amashyaka ya FCC ruyobowe na’uwahoze ari perezida wa RDC,Joseph...
16 March 2019 Yasuwe: 3745 0

Ibi nibyo bimenyetso simusiga bigaragaza uburyo Perezida Museveni akomeje...

Perezida wa Uganda akunze kwigira nyoninyinshi iyo abajijwe ku bijyanye...
16 March 2019 Yasuwe: 8609 3

Huye: Ababyeyi batujwe mu rugo rw’Impinganzima bishimiye kwitabira siporo...

Ababyeyi bagizwe incike na Jenoside batujwe mu rugo rw’impinganzima...
16 March 2019 Yasuwe: 406 0