skol
startimes

Umukobwa wa Paul Rusesabagina yanenze imyitwarire y’igihugu cy’u Bubiligi

Amakuru   Yanditswe na: Martin Munezero 17 September 2020 Yasuwe: 9319

Umukobwa wa Paul Rusesabagina, Carine Kanimba, yanenze imyitwarire y’igihugu cy’u Bubiligi nk’igihugu cya kabiri cya se, akaba yibaza icyo kugira ubwenegihugu bw’u Bubiligi bimaz n’agaciro ko kugira ubwenegihugu bw’u Burayi ku mfungwa ya politiki.


Ibi Carine Kanimba yabitangarije ikinyamakuru The Guardian nyuma y’itabwa muri yombi rya se avuga ko ritubahirije amategeko, aho Paul Rusesabagina, ufite ubwenegihugu bw’u Bubiligi bivugwa ko yakuwe I Dubai akazanwa mu Rwanda ku ngufu nubwo u Rwanda rubihakana, akurikiranweho ibyaha bifitanye isano n’ibikorwa by’iterabwoba.

Umukobwa we, Carine Kanimba ariko, avuga ko kuva yaburirwa irengero mu buryo bw’amayobera, amaze gusurwa rimwe gusa n’umuyobozi w’Umubiligi, kandi nabwo byabereye imbere y’umunyamategeko yahawe na leta. Mu kiganiro yagiranye na The Guardian, Carine Kanimba w’imyaka 27 yagize ati:

Mu by’ukuri bituma umuntu yibaza icyo kugira ubwenegihugu bw’u Bubiligi bimaze n’icyo status yo kurindwa imaze nk’impunzi ya politiki.

Ndatekereza ko barimo kugerageza kurushaho kwitonda kandi mfite impungenge z’uko bazabanira neza data. Mfite impungenge bidasubirwaho z’umubano hagati y’u Bubiligi n’u Rwanda.

Kanimba utuye muri Leta Zunze Ubumwe za Amerika, mu Mujyi wa New York, kuri ubu ari i Buruseli mu Bubiligi, aho arimo aragerageza kumvisha Inteko Ishinga Amategeko y’u Burayi kugira icyo ikora ku itabwa muri yombi rya se. Ati:

Twizere ko bizaganisha ku kugira igikorwa no kwamaganwa n’Abanyaburayi.

Umuryango wa Rusesabagina ukaba warakariye igihugu cy’u Bubiligi ku guceceka kwacyo ku ifatwa rye, mu gihe uyu muryango ukomeje no kuzamura ibibazo byinshi ku kuntu yabuze.

Umukobwa wa Paul Rusesabagina yavuze ko mu kiganiro gito yagiranye n’umuyobozi muri ambasade, Rusesabagina yavuze ko “yabyutse yisanga” i Kigali.

Uyu muryango kandi washakaga amakuru ku muntu uwo ari we wese ushobora kuba yariboneye uko yageze mu Rwanda, bakeka ko yahageze kuwa 28 Kanama, nyuma y’uko Rusesabagina ahatiwe cyangwa akabeshywa gufata indege yihariye yakodeshejwe kuva i Dubai yerekeza i Kigali nk’uko bavuga.

Kuri uyu wa Mbere ushize, nibwo Rusesabagina, u Rwanda rwo ruvuga ko yizanye, yitabye urukiko bwa mbere, aho akurikiranyweho ibyaha by’iterabwoba n’ubwicanyi.

Umuryango we uhakana byimazeyo ibyo birego, ndetse ukavuga ko atemerewe guhura n’itsinda rye ry’abavoka bamuhitiyemo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble karundi

    None SE RUSESABAGINA afite ubwenegihugu Bw ’Ababligi bivuze ko ataba akibazwa ivyaha akorera les africains?
    il est ridicule pour ces rwandais supposés, opposés au régime de Kigali, de pretendre disposer d’autres nationnalités pour échaper à une justice
    il faut plutôt penser Mme Kanimba au Hutu qui ont péris à NYabihu lors de votre attaque avec votre FLN

    1 month ago
  • chat_bubble citoyen

    None se "yaburiwe irengero" gute kandi mwirirwa mumubona ku mateleviziyo? Ngo ni imfungwa ya politiki? Politiki yo kwica abantu harya niyo yabagize ababiligi? Uyu mwana nawe yigize umustar nka papa we rwose!

    1 month ago

Inzindi nkuru

#CongoIsBleeding:Hashtag nshya yakuruye ibitekerezo k’ uburetwa bw’abana mu...

Ikoreshwa ry’abana bakiri bato mu birombe by’amabuye y’agaciro muri Repubulika...
24 October 2020 Yasuwe: 759 0

Abayoboke b’itorero White Tail bahisemo gusenga bambaye ubusa ngo kuko ariko...

Mu gace ka Southampton muri Leta ya Virginia, imwe mu zigize Leta Zunze...
24 October 2020 Yasuwe: 2018 2

Reba impamvu abanya-Nigeria bemeza ko Perezida wabo Buhari yapfuye mu 2017...

Hashize amezi ibihuha kwirakwizwa ku mbuga nkoranyambaga bivuga ku rupfu...
24 October 2020 Yasuwe: 8803 0

Abagenzuzi b’imiti muri Amerika bemeje burunfu remdesivir nk’umuti wa...

Abagenzuzi b’imiti muri Amerika bemeje burundu umuti urwanya virusi wa...
23 October 2020 Yasuwe: 1326 0

Tundu uri kwiyamamariza kuba Perezida wa Tanzania yifashishije indirimbo ya...

Umunyepolitike Tundu Lissu ubarizwa mu ishyaka rya Chadema wiyamamariza...
22 October 2020 Yasuwe: 1982 0

Nyuma yo kuvuga ko ibyishimo by’imibonano bituruka ku Mana,Papa Francis...

Umushumba wa Kiliziya Gatolika ku Isi, Papa Francis, yeruye asaba ko...
22 October 2020 Yasuwe: 3300 0