Umunya-Afurika y’Epfo akaba n’umwirabura wa mbere wari ugiye gukandagira mu isanzure yapfuye adaciye aka gahigo[AMAFOTO]

Amakuru   Yanditswe na: Martin Munezero 8 July 2019 Yasuwe: 3918

Umunya-Africa y’Epfo Mandla Maseko, wari waratsindiye amahirwe yo kujya mu isanzure akaba ari we mwirabura wa mbere wari kuba ahageze yakoze impanuka na moto ahita apfa inzozi ze zitabaye impamo.

Mandla Maseko, yatwaraga indege ariko agacishamo agakora n’umurimo wo kuvanga imiziki(DJ) ndetse akaba yanakoraga muri South African air force, wari uzwi ku izina rya “Afronaut” yari yabonye aya mahirwe yo kujya mu isanzure mu 2013 nyuma yo gutsinda abantu benshi bahataniraga aya mahirwe mu irushanwa ryari ryateguwe n’ikigo cyo muri America cyigisha ibijyanye n’isanzure cya US-based space academy.

Yapfuye azize impanuka yakoze na moto kuri uyu wa Gatandatu nkuko itangazo ryashyizwe hanze nabo mu muryango we ribivuga.

Uyu musore w’imyaka 30 yari yatsinze amamiliyoni y’abantu bari baturutse mu bihugu 75 hanyuma agira amahirwe yo gutonywa muri 23 bari batsindiye kujya mu isanzure bakamara isaha yose batembera mu cyogajuru cya Lynx Mark II.

Mandla Maseko yavukiye muri Afurika y’Epfo, Soshanguve hafi y’umujyi wa pretoria. Mbere gato y’uko apfa yari yagaragaye ku ifoto ari kumwe n’Umunyamerika witwa Buzz Aldrin wabaye umuntu wa kabiri ku Isi wakandagije ikirenge ku kwezi nyuma ya Neil Armstrong wahageze bwa mbere mu 1969 ari mu cyogajuru cya Apollo 11.

Gusa abantu benshi ntibavuga rumwe ku kuba aba bagabo barageze ku kwezi, hari ababyemera abandi bakabihakana bavuga ko ari ikinyoma gikomeye.

Uyu munya-Africa wari ugiye kuba uwa mbere ugeze mu isanzure yagombaga kujyayo mu 2015 ariko ntibyakunda kuko nta kigo na kimwe cyari cyakagiyeyo none apfuye atagezeyo.

Abantu benshi batandukanye bo muri Afurika y’Epfo babajwe n’urupfu rw’uyu musore wari ugiye kwandika amateka, muri abo harimo n’umuhanzi w’icyamamare Yvonne Chaka Chaka wavuze ko umutima we washegeshwe n’urupfu rw’uyu musore dore ko apfuye akiri muto.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uburusiya bugiye kubakira Uganda ingufu za nuclear

Uburusiya bwasinye amasezerano n’igihugu cya Uganda agamije kuyubakira...
20 September 2019 Yasuwe: 1275 0

Zine el Abidine Ben Ali wayoboye igihugu cya Tunisia imyaka 23 yitabye...

Zine El Abidine Ben Ali, wabaye Perezida wa Tunisia imyaka igera kuri 23...
20 September 2019 Yasuwe: 406 0

Ingabo za FARDC zasanganye Lt Gen. Mudacumura Flash Disk n’ibindi bikoresho...

Ingabo za Leta ya Repubulika iharanira Demokarasi ya Kongo, FARDC,zasanze...
20 September 2019 Yasuwe: 6753 0

FDLR yateye urujijo benshi kubera itangazo ryo kubika Mudacumura yashyize...

Umutwe wa FDLR ugamije guhungabanya umutekano w’u Rwanda washyize hanze...
19 September 2019 Yasuwe: 10431 0

Perezida wa Liberia yihanganishije imiryango yabuze abana bahiriye mu nzu...

Umukuru w’igihugu cya Liberia, George Weah kuri Twitter yihanganishije...
19 September 2019 Yasuwe: 1338 0

#Xenophobia:Leta ya Afurika y’Epfo yavuze ku rugomo rwahabereye rukibasira...

Mu minsi ishize muri Afurika y’Epfo habereye urugomo rwakorwaga...
18 September 2019 Yasuwe: 1328 1