Umunyamakuru wa Radio Isanganiro yafunzwe nyuma y’inkuru yatangaje

Amakuru   Yanditswe na: Martin Munezero 17 January 2020 Yasuwe: 7074

Blaise Pacal Kararumiye umunyamakuru wa Radio Isanganiro mu ntara ya Karuzi ejo kuwa kane nimugoroba yarafashwe arafungwa nk’uko uyobora iyi Radio abyemeza.



Sylvere Ntakarutimana uyobora Radio Isanganiro yabwiye BBC Gahuzamiryango ko kugeza ubu abamufunze batarabwira Radio impamvu umunyamakuru wabo yafunzwe.

Isanganiro ni radio yigenga ikorera mu Burundi kuva mu 2002, ivuga ko igamije gutsimbataza amahoro, ibiganiro, ubwiyunge n’uburenganzira bwa muntu.

BBC yagerageje kuvugana n’umuvugizi w’igipolisi cy’u Burundi ariko kugeza ubu ntabirashoboka.



Bwana Ntakarutimana avuga ko Kararumiye yakoze inkuru ku nama Buramatari w’intara ya Karuzi yakoresheje abategeka amakomine ababwira ko bariho bakoresha nabi amafaranga yatanzwe mu makoperative.

Bwana Ntakarutimana ati: "Hanyuma rero iyo nkuru yaba itaranejereje Buramatari ngirango ntiyashakaga ko imenyekana.

"[Buramatari] Yoba rero yahise asaba umupolisi atwara abandi mu ntara ko yahamagara Blaise akamubaza igituma yabivuze".



Blaise Kararumiye yahamagajwe n’uhagarariye ubutabera mu ntaraya Karuzi ngo aze kwisobanura, yahise abimenyesha ubuyobozi bwa Radio n’abo bakorana nk’uko Ntakarutimana abivuga.

Avuga ko nabo bamusabye kwitaba akumva icyo bamuhamagariye.

Ati: "Proculeur yaramwakiriye aramubaza. Ntabwo tuzi ibyabaye muri interrogatoire kuko nyuma yayo ntitwongeye kuvugana yahise ategeka ko bamufunga".

Bwana Ntakarutimana avuga ko muri iki gitondo agiye kuvugana n’Inama y’igihugu ishinzwe itumanaho ngo bashake icyo babikoraho.

Mu Burundi abandi banyamakuru bane b’ikinyamakuru kigenga Iwacu bafunzwe mu kwezi kwa 10 umwaka ushize bashinjwa guhungabanya umutekano w’igihugu.

Uruhande rwabo ruhakana ibyaha baregwa, ruvuga ko bafashwe nta kindi bari gukora kidasanzwe uretse akazi kabo ko gutara amakuru.

Inteko ishinga amategeko y’ubumwe bw’uburayi ejo kuwa kane yamaganye "gutera ubwoba, guhohotera no gufunga nta cyaha kigaragara abanyamakuru, abaharanira agateka n’abanyapolitike batavuga rumwe na leta mu Burundi."

Ku byavuzwe n’iyo Nteko Willy Nyamitwe, umujyanama wa Perezida Petero Nkurunziza, yanditse kuri Twitter ko "iyo nteko icyeka ko u Burundi bukiri igihugu gikoronijwe n’ibihugu by’iburayi".

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abanyarwanda 342 birukanwe muri Uganda bashinjwa kuba aribo ngo babanduje...

Abanyarwanda bakomeje kwirukanwa muri Uganda, aho kuri ubu 342 bakoreraga...
28 March 2020 Yasuwe: 1654 0

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 5658 0

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 10290 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 3439 0

Muri Uganda abaturage bari gukubitwa iz’akabwana kubera kwica amabwiriza yo...

Mu gihugu cy’abaturanyi cya Uganda, Polisi yaho iri gukubita umuturage uwari...
27 March 2020 Yasuwe: 8511 0

Perezida wa Namibia yashyizeho Minisitiri mushya waciye agahigo ko kuba...

Perezida wa Namibia, Hage Geingob yashyizeho Minisitiri muri minisiteri...
27 March 2020 Yasuwe: 8048 0