Umunyarwanda wari umaze iminsi atawe n’ umugore yiyahuriye muri kasho muri Malawi

Amakuru   Yanditswe na: Nsanzimana Ernest 23 August 2018 Yasuwe: 2534

Umugabo ufite ubwenegihugu bw’u Rwanda, ku wa Kabiri yiyahuriye muri kasho ya sitasiyo ya Polisi iherereye mu nkambi y’impunzi ya Dzaleka, mu Mujyi wa Dowa muri Malawi.

Umuvugizi wa Polisi ya Dowa, Richard Kaponda, yatangaje ko uyu munyarwanda hamenyekanye amazina ye abiri nka Claude Emmanuel w’imyaka 35, wari impunzi ikomoka mu Burasirazuba bw’u Rwanda.

Ikinyamakuru Malawi 24 cyatangaje ko umugore yaherukaga kumuta kubera ubusinzi no gukoresha ibiyobyabwenge, ku buryo yari asigaye aba wenyine.

Mu minsi ishize nibwo yatawe muri yombi akurikiranyweho imyitwarire ibangamiye ituze rusange, maze mu kumusaka bamusangana urumogi.

Ngo yahise ashyirwa muri kasho ya polisi ariko atangira guhohotera abo yasanzemo, bituma polisi imwimurira ashyirwa mu ya wenyine.

Aho ngo niho yaciriye ishati ye ayikoramo umugozi, yimanika yifashishije urugo rwa kasho ya polisi.

Isuzuma ryakorewe umurambo we ku ivuriro rya Dzaleka, ryagaragaje ko urupfu rwe rwatewe no kubura umwuka.

Ku wa 31 Ukuboza 2017 nibwo hakuweho sitati y’ubuhunzi ku Banyarwanda bahunze kuva mu 1959 kugeza 1998.

Icyo gihe Minisiteri ishinzwe impunzi (Midimar) yatangaje ko icyo cyemezo cyasize Abanyarwanda bagera ku 16 000 bambuwe ubuhunzi, basabwa gutangira gushaka ibyemezo bibemerera gutura aho bari.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwicanyi yinjiye mu kigo cy’amashuli yica abantu 17 akomeretsa abarenga...

Mu ntara ya Crimea,mu Burusiya,umunyeshuli yinjiye mu kigo cy’amashuli...
17 October 2018 Yasuwe: 1529 0

Umwari afungiye gutuka indirimbo yubahiriza igihugu

Umushinwakazi wamamaye kubera videwo anyuza ku rubuga rwa interineti z’ibiri...
15 October 2018 Yasuwe: 892 0

Brigitte Macron yubahutse umugabo we Emmanuel Macron amuvugaho amagambo...

Umugore wa perezida w’Ubufaransa Brigitte Macron,yabwiye umugabo we Emmanuel...
15 October 2018 Yasuwe: 5258 0

Polisi ya Uganda yategetswe kwishyura miliyoni 270 z’amashilingi umuturage...

Umuhesha w’Inkiko wa Uganda yategetse Polisi y’Igihugu kwishyura indishyi...
15 October 2018 Yasuwe: 493 0

Umugabo yakatiwe imyaka 244 azira gusambanya umwana we w’ ukwezi...

Umugabo witwa Patricio Medina w’imyaka 27 ukomoka muri USA,muri leta ya...
14 October 2018 Yasuwe: 1489 1

Umugore ushaje kurusha abandi bose yatangaje ikintu kimwe cyamushimishije...

Umukecuru w’Umurusiya ukuze kurusha abandi ku isi,witwa Koku Istambulova...
14 October 2018 Yasuwe: 3110 1