startimes

Umunyeshuri yakubiswe izasagutse kuri Yesu nyuma yo gusangwa mu nzu ari gutereta umugore w’umuyobozi mu gipolisi

Amakuru   Yanditswe na: Martin Munezero 24 May 2020 Yasuwe: 6574

Umunyeshuri wo muri Kaminuza y’uburezi ya Winneba muri Ghana witwa Hayford Osei, yakubiswe iz’akabwana nyuma yuko Umuyobozi mu gipolisi cyo mu rwego rushinzwe kugenza ibyaha bikomeye muri iki gihugu amusanganye n’umugore we mu nzu iwe ari kumutereta.



Nkuko ikinyamakuru TellGhana kibitangaza, Umuyobozi mu rwego rushinzwe kugenza ibyaha bikomeye mu gihugu cya Ghana, mu gipolisi cyo mu gace ka Donkro Nkwatanta, yahondaguye Hayford Osei amugira intere, amukomeretsa cyane ku gice cy’umubiri cy’amazuru ndetse no ku munwa, aho kuri ubu arimo arivuza ibi bikomere ndetse no gutumbirwa ku isura ye.

Ni mu gihe uyu mugabo ushinjwa gukora aya makosa uzwi ku mazina ya Ebenezer Antwi, ubuyobozi bw’aho akorera kuri sitasiyo ya polisi ya Donkro Nkwanta bwanze kugira icyo butangaza ikinyamakuru Daily Guide ubwo cyabahamagaraga kibaza kuri iiri hohoterwa ry’uyu musore, buvuga ko mu gihe iperereza ryatangiye ubu ntakindi kirenzeho batangaza ku kibazo cyabaye.

Uyu musore Hayford kugirango ahure n’uruva gusenya agakubitirwa iw’abandi, amakuru avuga ko mukuru we yigeze gukundanaho n’umugore Serwaa, ariko nyuma baza gutandukana mbere yuko uyu mugore akundana n’uriya muyobozi wamukubise, bakaba baramaze no kubyarana umwana.

Uyu mugore rero, ngo inshuro nyinshi yahuraga na Hayford, yamusabaga amafaranga yitwaje ko ngo yigeze gukundanaho na mukuru we.

Ku tariki ya 7 Gicurasi 2020 ahagana mu ma saa tanu z’ijoro (11h00 PM), Hayford, ubwo yakoraga ikizamini kuri murandasi akoresheje telephone ye kubera ifungwa ry’amashuri bitewe n’icyorezo cya koronavirusi, yavuze ko yahamagawe kenshi na Serwaa (wa mugore) amusaba ko yampuha amafaranga yo kugura pamperisi (pampers) y’umwana.

Nyamara kubera ko Hayford yakoraga ikizamini akoresheje telephone ye, uko guhamarwa byari buri kanya na Serwaa byaje kumutesha umutwe nuko aza kwemera ko ayo mafaranga aza kuyamuzanira iwe mu rugo.

Rero naje kujya iwe mu rugo ahagana saa 11h00 PM nuko ngezeyo ampa agatebe ndicara. Ako kanya nkimara kwicara hahise haza umuntu aturuka inyuma yanjye ankubita urushyi mu maso.

Nahise ngwa hasi nuko wa muntu akomeza kunkubita inshyi nyinshi kugeza ubwo natangiye no kuva amaraso mu maso, mu gihe umugore we yarari hafaho andeba anashyigikiye umugabo ku nkubita.

Natakarijemo telefone yanjye. Byasabye kwirukanka ndahunga mpugira mu gihuru cyari hafaho ntinya ko banyicira mu nzu.

Yavuze ko yahise ageza ikibazo cye kuri sitasiyo ya Polisi wa mugabo wamukubise akoraho, yongeraho ko kubera ubwoba yari afite ko atazabonera ubutabera kuri iyo sitasiyo, niyo mpamvu ikibazo cye yakigejeje no mu itangazamakuru.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble kacelkacel

    Yarabikwiye!!!

    1 month ago
  • chat_bubble B

    Bigaragara ko umugore yamugambaniye, kuko umugore w’umuyobizi wabuze pempers !!!, cyangwa se uwo mwana akaba ari uwe.

    1 month ago

Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 4039 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 4313 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 13784 2

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 20238 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2918 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1805 0