Muri Kenya haravugwa inkuru y’umupolisi 1 wapfuye, abandi 7 baburirwa irengero nyuma y’uko ikamyo bagendagamo itwawe n’umwuzure wabereye i Chemoe, mu Ntara ya Baringo

Sponsored Ad

Ni mu nkuru igikurikiranwa ngo hamenywe neza iby’iyi mpanuka aho polisi yatangaje ko umwe yapfuye naho bagenzi be barindwi bari kumwe bakaba baburiwe irengero, nyuma y’aho imvura nyinshi yaguye muri aka gace yatemye umwuzure watwaye imodoka bari barimo.

Iyi nkuru ibabaje y’urupfu n’ibura ry’aba bapolisi byabereye i Chemoe, mu Ntara ya Baringo ho muri Kenya, akaba ari kamwe mu turere twibasiwe n’imyuzure.

Bikekwa ko abo bapolisi bari ku irondo igihe ikamyo bari barimo yatwarwaga n’amazi y’umwuzure.