Umupolisi w’umwongereza yazabiranyijwe n’uburakari ubwo yamenyaga ko umugabo ushinzwe kuzimya umuriro yashutse umugore we babanaga mu buryo bwemewe n’amategeko, akamusambanyiriza muri Parking,byatumye amutera iwe abandi bapolisi barahagoboka.

Sponsored Ad

Uyu mupolisi witwa PC Christopher Parnell yababajwe n’uko umugabo witwa Robert Billings yamusambanyirije umugore niko kumusanga iwe amutera ubwoba kugira ngo asohoke iwe amugirire nabi,birangira abandi bapolisi batabaye.

Kath waciye inyuma umugabo we

Billings ukora akazi ko kuzimya umuriro yiyegereje umugore w’uyu mupolisi witwa Kath,ndetse akajya aza kumukorera imirimo yoroheje mu rugo umugabo we adahari byatumye amusambanyiriza muri parking y’imodoka,amubwira ko azamwica natuma bimenyekana.

Uyu Billings yagerageje gusaba imbabazi uyu mupolisi yasambanyirije umugore, ndetse amwoherereza ubutumwa amusaba ko bahura bakaganira akamusaba imbabazi,biba iby’ubusa kuko yamusanze iwe agashaka kumuhohotera.

PC Panell yirukanwe ku kazi kubera gushaka guhohotera umugabo wamusambanyirije umugore

Ubwo bari mu rukiko ku munsi w’ejo,uyu Parnell yirukanwe ku kazi kubera imyitwarire mibi yagaragaje ubwo yasangaga Billings iwe ashaka kumugirira nabi amuhoye kumusambanyiriza umugore,ku bw’amahirwe ntabashe kumugeraho.

Kath yavuze ko ibyo gusambana Billings arusha imyaka 21 byabaye mu mwaka wa 2017 ndetse uyu mupolisi batandukanye muri 2016,atazi impamvu akimufuhira.