Umusirikare muri Congo yishe bagenzi be 2 abarashe n’umugore utwite wa gatatu

Amakuru   Yanditswe na: Martin Munezero 3 February 2020 Yasuwe: 2759

Abantu batatu barimo abasirikare babiri n’umugore utwite bishwe barashwe n’undi musirikare wa FARDC, mu Mujyi wa Lusambo, Teritwari ya Lusambo mu Ntara ya Sankuru, muri Repubulika iharanira Demokarasi ya Congo,ushinjwa ubwicanyi akomeje gushakishwa.



Ubu bwicanyi bwabaye kuri uyu wa Gatanu ushize, itariki 31 Mutarama mu kigo cya gisirikare kizwi nka “camp militaire Télécoms” ku isaha ya saa moya na mirongo ine n’itanu z’ijoro (19h45).

Umuyobozi wa Batayo ya 21051 ikorera Lusambo yavuze ko uyu musirikare wishe bagenzi be yakoreraga ku kibuga cy’indege. Nyuma yo gufata umushahara we hakiri ku manywa, uyu musirikare ngo yataye akazi ke akora urugendo rw’ibirometero 8 kwishyuza amafaranga yari yaragiye aguriza bagenzi be mu kigo, ariko ntiyabasangayo.

Iyi nkuru dukesha Radio Okapi iravuga ko uyu musirikare yaje kwadukira umugore we agatangira kumukubita. Abasirikare babiri bivugwa ko bishwe ngo bakaba bari batabaye bajya gutandukanya uwo musirikare n’umugore we, agahita abarasa abegereye neza.



Irindi sasu yashakaga kurasa umusirikare wa gatatu washakaga kumuhagarika ryahushije rifata umugore we wari utwite ahita apfa. Nubwo abasirikare bagenzi be bagerageje kumuhagarika, ushinjwa ubwicanyi yabashije gucika kubera ko hari ninjoro.

Kuri uyu wa Gatandatu, mbere ya saa sita nibwo imirambo y’abishwe yashyinguwe mbere yo gusezerwaho ku cyicaro cy’ingabo mu Mujyi wa Lusambo. Hagati aho itsinda ry’abasirikare ryoherejwe mu ijoro ryo kuri uwo wa Gatanu mu ishyamba guhiga uwo musirikare wishe bagenzi be, ndetse hasohorwa amatangazo yo kumushakisha.

Si inshuro ya mbere abasirikare ba FARDC bavuzweho kwica bagenzi babo cyangwa abasivili. Mu muri Nzeri umwaka ushize muri Teritwari ya Kalehe, muri Kivu y’Amajyepfo, umusirikare yishe abantu batatu bo mu muryango umwe.



Havuzwe ko uyu musirikare yinjiye mu rugo rw’umuturage akica umugore n’abana babiri mu bana be, anakomeretsa umugabo we ndetse n’undi mwana w’umuhungu mbere gucika. Ibi byateje umwuka mubi hagati y’abaturage n’igisirikare, aho nyuma yo gutabwa muri yombi abaturage bashatse kuhanira uwo musirikare ariko ubuyobozi bw’ingabo burabitambika.

Insoresore zahise zigenda zizana imirambo y’abo bantu bishwe ziyishyira ku biro bikuru by’ingabo zisaba igisirikare kubashyingura, igisirikare kirabyanga bukeye bwaho imirimo irahagarara mu mujyi biba ngombwa ko ubuyobozi bw’Intara n’igisirikare bimanuka bikajya gucururutsa abo baturage.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Covid-19:Muri Uganda abaturage Batangiye Kwiba Ibyo Kurya

Kuri uyu wa kane mu masaha ya nyuma ya saa sita, polisi yatangaje ko abantu...
29 March 2020 Yasuwe: 4620 0

Abanyarwanda 342 birukanwe muri Uganda bashinjwa kuba aribo ngo babanduje...

Abanyarwanda bakomeje kwirukanwa muri Uganda, aho kuri ubu 342 bakoreraga...
28 March 2020 Yasuwe: 1910 0

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 5995 0

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 12581 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 3515 0

Muri Uganda abaturage bari gukubitwa iz’akabwana kubera kwica amabwiriza yo...

Mu gihugu cy’abaturanyi cya Uganda, Polisi yaho iri gukubita umuturage uwari...
27 March 2020 Yasuwe: 9117 0