skol
fortebet

Umuvugizi wa perezida Nkurunziza yavuze ko imyigaragambyo y’abasaba ko yakongera kwiyamamaza ikwiriye gukorwa mu mutuzo

Yanditswe: Saturday 22, Jun 2019

Sponsored Ad

Umuvugizi wa perezida Petero Nkurunziza witwa Ndenzako Karerwa Jean Claude yatangaje ko imbonerakure zifite uburenganzira bwo kwigaragambya mu mahoro zisaba ko perezida Petero Nkurunziza yakongera kwiyamamariza kuyobora Uburundi.

Sponsored Ad

Ubwo yari mu kiganiro n’abavugizi b’Uburundi mu nzego zitandukanye kuri uyu wa Gatanu taliki ya 21 Kamena 2019, Ndenzako Karerwa Jean Claude umaze igihe ari umuvugizi wa perezida Nkurunziza yavuze ko ari uburenganzira bw’imbonerakure kwigaragambya zisaba ko Nkurunziza yongera kwiyamamaza mu mwaka wa 2020 ariko ngo zigomba kubisaba inzego zishinzwe umutekano.

Ndenzako Karerwa Jean Claude yavuze ko Uburundi ari igihugu kigendera ku mategeko ndetse buri wese yemerewe imyigaragambyo yo mu ituze ndetse yabisabye ariko ngo ntibyemewe kwigaragambya uhohotera abandi.

Ku byerekeye kongera kwiyamamaza kwa perezida Nkurunziza, Ndenzako Karerwa Jean Claude yavuze ko perezida Nkurunziza atigeze yisubiraho ku cyemezo cyo kutaziyamamaza muri 2020 ndetse ngo iki cyemezo ntiyagifashe wenyine kuko ngo n’Imana yo mu ijuru yabimuhishuriye mu iyerekwa imusaba kutazongera kwiyamamaza.

Umuvugizi wa Nkurunziza yavuze ko yiteguye kuzashyikiriza ubutegetsi umuntu Abarundi bazihitiramo mu matora ateganyijwe muri 2020.

Ibitekerezo

  • ndumva ibyu burundi bitazoroha peee!!!

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa