Umwana w’umukobwa witwa Millie Drew Kelly ufite imyaka 6 ukomoka muri Leta ya Georgia muri US,yababaje benshi mu batuye isi,nyuma yo kuraswa na musaza we w’imyaka 4 bakinaga bafite iyi mbunda.

Sponsored Ad

Aba bana bari kumwe mu modoka na nyina,babonye imbunda yari yitwaje niko kuyikinisha uyu muhungu w’imyaka 4 aba arashe mushiki we mu cyico aramwica.

Umuvugizi wa polisi yo mu gace uyu muryango utuyemo witwa Sgt. Ashley Henson yabwiye abanyamakuru ko ubwo nyina w’aba bana yari agiye gukanika imodoka,yasize imbunda ye hamwe n’aba bana mu kuyikinisha umwe ahita arasa undi mu maso aramwica.

Yagize ati “Bari kumwe na nyina mu modoka bashaka gusohoka mu rugo,imodoka yanze guhaguruka.Nyina yagiye kureba ikibazo iyi modoka yagize,asiga imbunda ye hamwe n’aba bana.

Umwana muto w’umuhungu yahise ayifata ayitunga mushiki we,aba amurashe mu mutwe by’impanuka aramwica.

Nyina warimo gukanika imodoka yagarutse yiruka asanga uyu mwana w’umuhungu aracyafashe iyi mbunda mushiki we yituye hasi,niko kumujyana ku bitaro by’abana aho yapfiriye kuwa Gatatu w’iki cyumweru.

Abantu benshi bababajwe n’uru rupfu rw’uyu mwana ndetse bongera kotsa igitutu Leta ya Amerika bayisaba gushyiraho itegeko ribuza abasivili gutunga imbunda cyane ko bakomeje kwica abantu.