Umwari afungiye gutuka indirimbo yubahiriza igihugu

Amakuru   Yanditswe na: Nsanzimana Ernest 15 October 2018 Yasuwe: 984

Umushinwakazi wamamaye kubera videwo anyuza ku rubuga rwa interineti z’ibiri kuba muri ako kanya, yafunzwe iminsi itanu kubera "gutuka" indirimbo yubahiriza igihugu y’Ubushinwa.

Yang Kaili w’imyaka 20 y’amavuko - ufite abamukurikira ku mbuga za interineti babarirwa muri miliyoni amacumi - yari yagaragaye kuri kamera aririmba indirimbo yubahiriza igihugu y’Ubushinwa azunguza amaboko.

Urubuga Huya rutangarizwaho videwo, mbere rwari rwakuyeho iyo videwo ye ndetse ruhagarika n’umurongo atangarizaho videwo kuri urwo rubuga.

Kuva ibyo byaba, Madamu Yang, uzwi na none ku izina rya Li Ge, yasabye imbabazi ku mugaragaro, avuga ko ataririmbye indirimbo yubahiriza igihugu "mu cyubahiro."

Polisi y’Ubushinwa ikorera mu mujyi wa Shanghai ku wa gatandatu yasohoye itangazo, ivuga ko Madamu Yang yishe itegeko rigenga indirimo y’igihugu y’Ubushinwa.
Iryo tangazo rigira riti:
"Indirimbo y’igihugu ni ikirango cy’igihugu, abaturage bose bakwiye kuyubaha kandi bakarinda icyubahiro cyayo."
"Imbuga zo gutangarizaho videwo ntabwo ziri hejuru y’amategeko - amategeko n’imyitwarire ya gipfura bigenga n’izo mbuga."

Bijyanye n’itegeko rijyanye n’indirimbo yubahiriza Ubushinwa ryatangiye gukurikizwa mu mwaka ushize wa 2017, abafashwe baririmba indirimbo yubahiriza igihugu mu buryo "butari bwo cyangwa busuzuguza" bashobora gufungwa iminsi igera kuri 15.

Hari abantu babarirwa mu bihumbi mu Bushinwa bifata videwo barya, baririmba cyangwa bitotomba bari imbere ya kamera bagamije gushimisha ababakurikiye ku mbuga za interineti ndetse bakabikoreramo n’amafaranga.
Bakurikirwa n’ababarirwa muri za miliyoni ku mbuga za interineti, ndetse ababakurikiye bashobora kuboherereza impano, zigeraho zikaba zashyirwa no mu mafaranga.

Mu mwaka wa 2016, ibi bikorwa by’izi videwo mu Bushinwa byari bifite agaciro kabarirwa muri miliyari 5 z’amadolari y’Amerika.

Ku itariki ya 7 y’uku kwezi kwa cumi, ni bwo Madamu Yang yifashe videwo ku rubuga rwa Huya aririmba by’akanya gato indirimbo yubahiriza igihugu y’Ubushinwa.

Yaririmbye interuro ya mbere y’iyi ndirimbo amwenyura kandi azunguza amaboko imbere y’indangururamajwi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugabo yishwe n’igifi cya shark ubwo yarimo Kogera munsi y’amazi

Umugabo w’imyaka 65 yishwe n’igifi cy’inkazi cya shark ubwo yarimo yogera...
26 May 2019 Yasuwe: 1344 0

Burundi: Umupolisi yarashe umusirikare wari utwaye imodoka aramwica

Mu gihugu cy’Uburundi haravugwa inkuru ibabaje y’umupolisi warashe mu cyico...
25 May 2019 Yasuwe: 3052 0

Uganda: Umucuruzi ukomeye yasanzwe mu mugozi yiyahuye

Polisi yo mu gihugu cya Uganda yatangaje ko yabonye umurambo w’umucuruzi...
25 May 2019 Yasuwe: 1970 0

Ubuhinde: Abanyeshuri 19 bahitanywe n’inkongi y’umuriro yibasiye ishuri...

Mu gihugu cy’Ubuhinde hravugwa inkuru ibabaje y’abanyeshuri 19 bahitanywe...
25 May 2019 Yasuwe: 919 0

Urukiko rwa Uganda rwabujije leta guhagarika ba banyamakuru 39 baregwa...

Urukiko muri Uganda rwabujije leta guhagarika abanyamakuru 39 baregwa...
24 May 2019 Yasuwe: 789 0

Theresa May yatangaje ko agiye kwegura ku mwanya wa Minisitiri w’intebe...

Minisitiri w’intebe w’Ubwongereza,Madamu Theresa May yamaze gutangaza ko...
24 May 2019 Yasuwe: 1012 0