Umwe mu bigaragambyaga muri Sudani yishwe arashwe mu mutwe

Amakuru   Yanditswe na: Martin Munezero 15 July 2019 Yasuwe: 835

Ejo ku Cyumweru taliki ya 14 Nyakanga 2019, umutwe w’ubutegetsi witwaje intwaro (RSF), warashe mu mutwe umwe mu bigaragambya nk’uko bitangazwa n’abaganga bo mu ruhande rutavuga rumwe na leta.

Aba baganga bavuga ko yishwe arashwe mu mutwe n’abo mu mutwe wa RSF, muri leta ya Sinnar iri mu majyepfo ashyira uburasirazuba, mu rugendo rwo kwamagana ibirego byuko uwo mutwe ukora ibikorwa by’urugomo.

Yaba umutwe RSF, yaba n’inama ya gisirikare iri ku butegetsi muri Sudani, nta wuragira icyo atangaza.

Ibiro ntaramakuru Reuters byatangaje ko uwo warashwe ari umugabo witwa Anwar Hassan Idris.

Iyicwa rye ribaye mu gihe gushyira umukono ku masezerano yo gusangira ubutegetsi – yagezweho mu ntangiriro y’uku kwezi kwa karindwi – byongeye gutinzwa.

Igisirikare cya Sudani cyafashe ubutegetsi muri Mata, nyuma y’imyigaragambyo yari imaze amezi yo kwamagana ubutegetsi bwa Omar al-Bashir bwari bumaze imyaka 30.

Ariko abayoboye abigaragambya ntibashizwe icyo gihe, bakomeza imyigaragambyo bavuga ko ubutegetsi nyirizina n’ubundi bukiri mu maboko y’abakoranye bya hafi na Bashir.

Urwo rugendo rwo mu mujyi wa Sinnar rwari rwahamagajwe mu gusaba ko abarwanyi b’umutwe RSF bava muri uwo mujyi.

Uyu mujyi uri kuri kilometero 340 mu majyepfo ashyira uburasirazuba bw’umurwa mukuru Khartoum.

Uwabibonye utashatse ko umwirondoro we utangazwa ku mpamvu z’umutekano we yabwiye ibiro ntaramakuru AFP ko abarwanyi ba RSF batangiye barasa mu kirere byo gutatanya abitabiriye urwo rugendo, ariko bakaza no kugera ubwo barasa mu bantu, bica umugabo umwe ndetse bakomeretsa n’abandi benshi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abantu 3 bo mu muryango umwe muri Uganda barashwe

Polisi y’igihugu ikorera mu karere ka Lyantonde muri Uganda ubu iri...
21 October 2019 Yasuwe: 2195 0

Schwarzenegger yavuze ko atigeze akunda politiki’ nubwo yabaye...

Arnold Schwarzenegger avuga ko nta gihe yigeze akunda politiki, uyu wari...
21 October 2019 Yasuwe: 1377 1

Tanzania: Perezida Magufuli yagaragaye I Dar es Salaam ari guseka bikuraho...

Perezida wa Tanzania,John Pombe Magufuli yagaragaye mu mujyi wa Dar es...
21 October 2019 Yasuwe: 1813 0

Burundi: Biravugwa ko abavuye mu gisirikare n’Imbonerakure bahawe...

Abahoze mu gisirikare n’Imbonerakure bakomoka muri komini 3 zirimo Buganda,...
21 October 2019 Yasuwe: 1874 1

Hageragejwe urugendo rwa mbere rurerure rw’Indege

Kompanyi y’indege ya Australia yarangije igerageza ry’urugendo rurerure...
20 October 2019 Yasuwe: 2583 0

Igikomangoma cy’Ubwongereza Harry n’umugore we Meghan barifuza kwimukira muri...

Igikomangoma Harry cy’Ubwongereza n’umugore wacyo Meghan Markle bahishuye ko...
20 October 2019 Yasuwe: 4318 0