startimes

Umwirabura wishwe urupfu rw’agashinyaguro yateje imyigaragambyo muri Amerika[AMAFOTO]

Amakuru   Yanditswe na: Martin Munezero 28 May 2020 Yasuwe: 3600

Habaye imirwano ikomeye hagati y’abapolisi n’abigaragambya mu mujyi wa Minneapolis muri Amerika nyuma y’urupfu rw’umwirabura wapfiriye aho yari afungiye.



Abapolisi bakoresheje imyuka iryana mu maso mu gihe abigaragambya bayiteraga amabuye ndetse bagerageza kwangiza imodoka za polisi.

Abapolisi bane bo muri leta ya Minnesota birukanywe nyuma y’urupfu rw’uwo mugabo wari wafunzwe hashize amasaha atsikamiwe hasi umupolisi yamushinze ivi kw’ijosi.

Medaria Arradondo ukuriye polisi y’umujyi wa Minneapolis yemeje ko abapolisi bane bari aho byabereye birukanywe mu gipolisi.

Amashusho yafashwe rwihishwa yerekana uwo mugabo witwa George Floyd atsikimba kandi asubiramo kenshi ati “simbasha guhumeka”, abwira umupolisi w’umuzungu wamushinze ivi ku ijosi.

Ibi byibukije ibyabaye mu 2014 mu mujyi wa New York aho undi mwirabura Eric Garner yapfuye amaze gufatwa no kunigwa n’umupolisi.

FBI yatangaje ko igiye gukora iperereza kuri iki gikorwa cyabaye kuwa mbere nimugoroba mu mujyi wa Minneapolis.

Ku mbuga nkoranyambaga hakwijwe amashusho y’imyigaragambyo i Minneapolis y’abagaragaza uburakari kubera urupfu rwa George Floyd.

Baramagana iyicwa ry’abirabura rikozwe n’abapolisi kandi bagasaba ko abafashe George Floyd bakurikiranwa ku rupfu rwe.

Polisi ya Minnesota ivuga ko Floyd w’imyaka 46 ukora mu barinda umutekano mu nzu y’uburiro, yapfuye nyuma ‘y’igikorwa cy’ubuvuzi’ no ‘guhura na polisi’.

Jacob Frey ukuriye umujyi wa Minneapolis yabwiye abanyamakuru ko “ibyo yabonye ari bibi” kandi “kuba umwirabura muri Amerika bidakwiye kuba igihano cy’urupfu”.

Ibyabaye i Minneapolis byahereye ku bivugwa ko hari umukiriya wari ushatse kwishyura inoti ya $20 y’impimbano mu iguriro.

Itangazo ryasohowe na polisi rivuga ko uwo mugabo yashatse kurwanya abapolisi akoresheje umubiri we polisi ikabasha kumushyiraho amapingu. Yongeraho ko yari ameze nk’ufite ibibazo by’ubuzima.

Mu mashusho y’iminota 10 yafashwe n’uwabirebaga, uyu mugabo yari yashyizwe hasi umupolisi amushinze ivi ku ijosi, hari aho uyu mugabo yagize ati: “ntunyice”.

Umwe mu bari hafi yumvikana asaba umupolisi kuvana ivi rye ku ijosi ry’uyu wafashwe. Undi agira ati: “ari kuva amaraso mu mazuru”.

Nyuma uyu mugabo bakandiye hasi aboneka atakibasha kunyeganyega, bazana imodoka y’ubutabazi bamushyiramo.

Kuwa kabiri nijoro abapolisi bakoresheje ibyuka biryana mu maso mu gutatanya abantu benshi bigaragambije imbere ya polisi ya Minneapolis nk’uko ibinyamakuru byaho bibivuga.

Abantu batandukanye ku mbuga nkoranyambaga nabo baramagana ibyakorewe George Floyd.

Ibiro ntaramakuru bya Amerika, Associated Press, bivuga ko mu kwemerera abapolisi gukoresha imbaraga harimo ingingo ibemerera gushinga ivi ku ijosi ry’ukekwa mu gihe bidafunga inzira z’umwuka.

Mu 2014, “simbasha guhumeka” yabaye intero y’Abanyamerika benshi bakoresheje mu kwamagana urupfu rwa Eric Garner.

Garner wari ufite imyaka 43, umwirabura utari ufite intwaro, yasubiyemo iyo nterero inshuro 11 ubwo yari yafashwe na polisi ashinjwa gucuruza itabi ridafunze. Niyo magambo ya nyuma yavuze mbere yo gupfa kubera umunigo.

Isuzuma ry’abaganga ryemeje ko kunigwa biri mu byatumye Eric Garner apfa.

Umupolisi wo muri New York wagize uruhare mu gufata Garner mu buryo bwamuviriyemo gupfa yirukanwe mu gipolisi hashize imyaka itanu mu 2019. Nta mupolisi wigeze akurikiranwa kubera iki gikorwa.


Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble dusabe

    ndabasuhuje niharebwe icyakorwa abirabura nabo bahabwe ubwijyenjye muri Amerika nahandi bababafite ivangura iryariryoryose birababaje kubona abirabura bincwankahobo atarabantu nsabye abaperezida bose ko bateza imbere kwishyira ukizana kwabaturajye nifuzako abaperezida babazungu n abirabura bakaganira twese tukaba umwe ntamuzungu ntamwirabura mukorere ubuvugizi abirabura

    1 month ago
  • chat_bubble John

    Abapolisi bakoze igikorwa cy’ubunyamanswa.

    1 month ago

Inzindi nkuru

Umuhinde wambara agapfukamunwa gakoze muri Zahabu gahagaze akayabo...

Umugabo w’Umuhinde aravugwaho kuba yarishyuye ibihumbi 289 by’Amafaranga...
6 July 2020 Yasuwe: 4126 0

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 4946 1

Umugore wari umaze imyaka 9 yarabuze urubyaro hari hashize iminsi 26 abyaye...

Umugore wari umaze imyaka 9 yarabuze urubyaro, nyuma y’iminsi 26 abyaye...
3 July 2020 Yasuwe: 4852 1

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1730 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 1134 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 706 0