skol
startimes

Umwuka mubi w’ubushyamirane wiyongereye hagati ya Amerika n’Ubushinwa

Amakuru   Yanditswe na: Martin Munezero 23 July 2020 Yasuwe: 1627

Leta Zunze Ubumwe z’Amerika zategetse Ubushinwa gufunga ibiro by’ubuhagarariye (consulat/consulate) mu mujyi wa Houston muri leta ya Texas bitarenze ku wa gatanu w’iki cyumweru – icyemezo Ubushinwa bwise “kwiyenza kwa politike”.


Urwego rw’ubutabazi bwo kuzimya inkongi rwatabajwe nyuma yaho hagaragaye amashusho y’abantu batamenyekanye batwika impapuro aho bajugunya imyanda mu gikari cy’iyi nyubako y’uhagarariye Ubushinwa

Ibiro by’ububanyi n’amahanga by’Amerika byavuze ko icyo cyemezo cyafashwe “mu rwego rwo kurinda umutungo bwite wo mu by’ubwenge w’Amerika”.

Ariko Wang Wenbin, umuvugizi wa minisiteri y’ububanyi n’amahanga y’Ubushinwa, yavuze ko icyo cyemezo “giteje uburakari kandi nta shingiro gifite”.

Ibyo bitangajwe n’impande zombi nyuma yaho hagaragaye amashusho y’abantu batamenyekanye batwika impapuro aho bajugunya imyanda mu gikari cy’iyo nyubako y’uhagarariye Ubushinwa.

Umwuka w’ubushyamirane umaze igihe wiyongera hagati y’Amerika n’Ubushinwa.

Ubutegetsi bwa Perezida Donald Trump bwagiye bukozanyaho n’ubw’Ubushinwa mu ntambara y’ubucuruzi, ku cyorezo cya coronavirus no ku ishyirwaho muri Hong Kong kw’itegeko rishya ry’umutekano ritavugwaho rumwe.

N’ejo ku wa kabiri, ibiro by’ubutabera by’Amerika byashinje Ubushinwa gutera inkunga abajura b’amabanga yo kuri za mudasobwa (bazwi nk’aba ‘hackers’).

Ibiro by’ubutabera by’Amerika bivuga ko bibasiye ‘laboratoires’ zikorerwamo ubushakashatsi ku nkingo za Covid-19.

Byashyiriyeho ibirego Abashinwa babiri bivuga ko bakoze ubutasi kuri kompanyi zo muri Amerika zikora ubushakashatsi, bivuga ko bafashijwe na maneko za leta mu bundi bujura.

Ubushinwa bwasabye Amerika kwisubiraho kuri icyo cyemezo, buvuga ko niba ikomeje “muri iyi nzira mbi, Ubushinwa buzasubizanya ingamba zikaze zo kwirwanaho”.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble matabaro

    Abahanga mu bibera mu isi bavuga ko ubushyamirane bwa China na Amerika bujyana ku ntambara ya gatatu y’isi.Le 27/05/2020,president wa China,XI Jinping,yabwiye National Congress yuko abasirikare barimo kwitegura intambara.Gusa icyo batazi nuko Imana irimo kubacungira hafi.Ntabwo yakwemera ko batwika isi yiremeye.Aho kugirango batwike isi yiremeye,Imana izabatanga itwike biriya bitwaro,ikure intambara mu isi hose nkuko Zaburi 46,umurongo wa 9 havuga.Imana izakura mu isi abantu bose bakora ibyo itubuza, harimo n’abarwana nkuko Matayo 26,umurongo wa 52 havuga.Ibyo bizaba ku munsi bible yita armageddon ushobora kuba utari kure,iyo urebye ubushyamirane bw’ibihugu bifite atomic bombs muli iki gihe.

    2 months ago

Inzindi nkuru

Urubanza rwa Paul Rusesabagina ruzakurikiranwa n’ikigo cy’Abavoka...

Ikigo cy’Abavoka b’Abanyamerika baharanira Uburenganzira bwa Muntu cyatangaje...
23 September 2020 Yasuwe: 970 0

Umugabo yatemye inda umugore we akoresheje urukezo biviramo umwana...

Polisi y’Ubuhinde ivuga ko umugore utwite bivugwa ko inda ye yatemwe...
22 September 2020 Yasuwe: 1653 0

Kuterekana indangamuntu byatumye Jose Chameleone abura amahirwe yo kuyobora...

Kuri iki Cyumweru tariki 20 Nzeri 2020, umuhanzi wo muri Uganda, Joseph...
22 September 2020 Yasuwe: 1131 0

Umugore yatangaje benshi ubwo yashyiraga hanze amafoto avuga ko yizihiza...

Umugore wo mugihugu cya Afurika y’epfo yatangaje benshi ubwo yagaragazaga...
21 September 2020 Yasuwe: 6854 0

Perezida Magufuli yifuza ko Evariste Ndayishimiye w’u Burundi yayobora inama...

Perezida Evariste Ndayishimiye yishimiwe cyane na Perezida wa Repubulika ya...
20 September 2020 Yasuwe: 5166 0

FBI iri guhiga bukware Abashinwa 5 bagize itsinda rizwi nka APT...

Kuri uyu wa Gatandatu tariki ya 19 Nzeri 2020, Urwego rushinzwe iperereza...
20 September 2020 Yasuwe: 3071 0