skol
startimes

Uruganda rw’inzoga za Corona rwahagaritse imirimo yarwo kubera Coronavirus

Amakuru   Yanditswe na: Martin Munezero 6 April 2020 Yasuwe: 3432

Uruganda Grupo Modelo rwo muri Mexique rwakoraga inzoga zo mu bwoko bwa Corona, rwahagaritse imirimo kubera icyorezo cya Coronavirus gikomeje gushegesha Isi.


Uru ruganda rwavuze ko rwafashe icyemezo cyo guhagarika gukora ziriya nzoga, nyuma y’uko Leta ya Mexique itangaje ko ibikorwa by’ubucuruzi bya ruriya ruganda biri mu bitari ngombwa muri iki gihe.

Itangazo Grupo Modelo yasohoye riragira riti: “Turi mu nzira zo kugabanya umusaruro w’inganda zacu kugeza ku gipimo cyo hasi.”

Ruriya ruganda rwongeyeho ko icyemezo cyo guhagarika gukora ziriya nzoga kizashyirwa mu bikorwa mu minsi iri imbere. Itangazo rivuga ko ziriya nzoga zigomba guhagarikwa uhereye ku cyumweru ku wa 05 Mata, hanyuma zikazongera gukorwa ari uko ibihe byashyizweho na Leta ya Mexique bivuyeho.

Guverinoma ya Mexique iheruka gushyirwaho impuruza ku buzima, itegeka guhagarika ibikorwa bitari ngombwa nyuma y’uko umubare w’abanduye coronavirus muri iki gihugu wari umaze kurenga abantu 1,000.

Ibikorwa by’ubuhinzi no gutunganya ibiribwa biri mu bitarakumiriwe kuko byo ari nkenerwa.

Inzoga za Corona n’ibindi bicuruzwa by’iriya Company birimo nk’inzoga zitwa Pacific n’izitwa Modelo, byari bisanzwe bigemurwa mu bihugu 180 hirya no hino ku Isi.

Izina Corona ryitiriwe iriya nzoga rifite inkomoko mu rurimi rw’ icy’Espagnol, mu Kinyarwanda rikaba risobanura “ikamba”. Covid-19 yiswe Coronavirus, bitewe n’ishusho yayo ishushanyije nk’ikamba.

Kuri iki Cyumweru taliki ya 5 Mata 2020, muri Mexique habarurwaga abantu 1,890 bamaze kwandura Coronavirus, mu gihe abo imaze kwica ari 79, naho abamaze kuyikira bakaba ari 633.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Aba Karidinali 13 baherewe umugisha i Vatican na Nyirubutange Papa harimo...

Nyuma yo kwimikwa bakaba aba ‘cardinals’ ku mugaragaro, bajyanye na Papa...
30 November 2020 Yasuwe: 637 0

Reba abayobozi 10 bamunzwe na ruswa mu mateka ya vuba n’akayabo k’amafaranga...

Soma ingingo iyo ari yo yose yerekeye gukumira ruswa, ikintu cya mbere...
30 November 2020 Yasuwe: 2139 0

Malawi nayo igiye gutangira ubucuruzi bw’ urumogi

Nk’uko ibiro ntaramakuru Reuters bibitangaza ngo Malawi igiye gutangiza...
29 November 2020 Yasuwe: 732 0

Reba ibihugu bya Afurika bifite amahirwe make y’uko abayobozi ba leta baka...

Ishyirahamwe rishinzwe kurwanya ruswa ryashyizweho na TRACE ryasohoye uyu...
29 November 2020 Yasuwe: 1478 0

Reba bimwe mu byaranze inzira y’urugendo rwa Politike,Perezida Uhuru...

Uhuru Muigai Kenyatta yavutse ku ya 26 Ukwakira 1961 ni umunyapolitiki wo...
29 November 2020 Yasuwe: 1044 0

Ethiopia: Ibihumbi by’abasirikare bari barafashwe bugwate babohojwe

Minisitiri w’Intebe wa Ethiopia, Dr Abiy Ahmed, yatangaje ko ingabo...
29 November 2020 Yasuwe: 2561 0