Urukiko rwa Uganda rwabujije leta guhagarika ba banyamakuru 39 baregwa ibyaha byo gushyira mu kaga umutekano w’abaturage n’igihugu kubera inkuru ya Bobi Wine batangaje

Amakuru   Yanditswe na: Martin Munezero 24 May 2019 Yasuwe: 892

Urukiko muri Uganda rwabujije leta guhagarika abanyamakuru 39 baregwa ibyaha byo gushyira mu kaga umutekano w’abaturage n’igihugu bikomotse ku makuru bataye ku ifungwa n’irekurwa rya Bobi Wine.



The Monitor yatangaje ko iki cyemezo cyishimiwe n’abanyamakuru benshi bakorera umwuga wabo ku butaka bwa Uganda.

Urwego rwa leta rushinzwe kugenzura ibitangazamakuru (Uganda Communication Commission, UCC) mu ntangiriro z’uku kwezi rwategetse ibitangazamakuru 13 guhagarika abanyamakuru ba byo bataye bakanatanga inkuru ku ifatwa riheruka ry’uriya munyamuziki akaba n’umunyapolitiki urwanya ubutegetsi ba Uganda.

Babinyujije ku ishyirahamwe ribahuza muri Uganda bamwe muri bo baregeye urukiko ngo uyu mwanzuro ntushyirwe mu bikorwa.

Kuri uyu wa kane, umucamanza mu rukiko yavuze ko ibibazo bireba umutekano bitaregerwa UCC ahubwo biregerwa polisi.

Umucamanza yavuze ko kuba hari inzego zitora zigahagarika abanyamakuru nta rukiko rubitegetse ari ukubangamira uburenganzira bwa muntu, yanzura ko ibyo UCC isaba bitagomba kuba.

Arnold Anthony Mukose ushinzwe umutekano n’uburenganzira bw’abanyamakuru mu ishyirahamwe ryabo muri Uganda yavuze ko uyu ari umwanzuro w’amateka ku burenganzira n’imikorere y’umwuga wabo.

Ati “Twakomeje kunanizwa n’ibyemezo n’amabwiriza bidafututse biturutse muri UCC no mu zindi nzego za Leta. Ariko ubucamanza bwabanye natwe”.

Umunyamategeko wa UCC we yavuze ko bagiye kwicara bakiga kuri uyu mwanzuro w’urukiko maze bakamenya ikizakurikiraho.

Icyemezo cyari cyafashwe na UCC cyari cyatumye abahagarariye ubumwe bw’uburayi, Amerika n’ibindi bihugu 14 muri Uganda batabariza ubwisanzure bw’itangazamakuru n’uburenganzira bwo kwigaragambya.

Depite Bobi Wine uharanira impinduka muri Uganda yafunzwe kenshi mu buryo avuga ko bunyuranyije n’amategeko, akaza kurekurwa.

Ubutegetsi bumushinja guteza umutekano mucye no kugumura rubanda abangisha ubutegetsi.

Depite Bobi Wine ari kwitegura guhatana na perezida Museveni – umaze imyaka 33 ku butegetsi – mu matora azaba mu 2021.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imfungwa yahawe imbabazi na Perezida Magufuli nyuma y’amasaha 8 yongeye...

Ku wa 9 Ukuboza 2019, Perezida wa Tanzania John Pombe Magufuli yahaye...
12 December 2019 Yasuwe: 2477 0

Indege ya Tanzania yari yarafatiriwe n’igihugu cya Canada yarekuwe

Kuri uyu wa 12 Ukuboza 2019 Perezida wa Tanzania John Pombe Magufuli...
12 December 2019 Yasuwe: 1007 0

Ya Ndege ya Gisirikare yaburiwe irengero irimo abantu 38 habonetse...

Abategetsi bo muri Chili bavuga ko babonye ibisigazwa bemeza ko ari...
12 December 2019 Yasuwe: 2527 0

Mu Bwongereza bazindukiye mu matora ya 3 mu gihe kitarenze imyaka...

Mu Bwongereza bazindukiye mu matora rusange kuri uyu wa kane, ni amatora ya...
12 December 2019 Yasuwe: 574 0

Wa Mwana w’imyaka 9 wari ugiye kurangiza Kaminuza yavuye mu ishuri[AMAFOTO]

Umwana w’umuhanga wari ufite ubwenge budasanzwe wari witezweho kurangiza...
12 December 2019 Yasuwe: 3171 0

Uganda:Abandi banyarwanda 40 batawe muri yombi

Abanyarwanda 40 biyongereye ku bandi benshi baherutse gufatirwa muri Uganda...
11 December 2019 Yasuwe: 1909 0