skol
startimes

Urukingo rwa Coronavirus ’Pfizer-BioNTech’ rwemejwe ko rukoreshwa by’amaburakindi muri Amerika

Amakuru   Yanditswe na: Martin Munezero 12 December 2020 Yasuwe: 3663

Ikigo cy’Amerika gishinzwe kugenzura ubuziranenge bw’ibiribwa n’imiti (FDA) cyahaye uruhushya urukingo Pfizer-BioNTech rwa coronavirus ngo rukoreshwe by’amaburakindi.


Ikigo FDA cyavuze ko urwo ruhushya ari "intambwe ikomeye" itewe mu guhangana n’iki cyorezo, kimaze kwica abantu barenga 295,000 muri Amerika.

Urwo rukingo rurinda kwandura Covid-19 ku kigero cya 95%. Ikigo FDA cyemeje ko nta kibazo ruteza ku buzima kandi ko ari ingirakamaro.

Perezida Donald Trump yavuze ko gukingira bitangira "mu masaha atageze kuri 24".

Bwana Trump yagize ati: "Uyu munsi [ku wa gatanu] igihugu cyacu cyageze ku gitangaza mu rwego rw’ubuvuzi. Mu mezi icyenda gusa [ubu] twageze ku rukingo rudateza ikibazo ku buzima kandi rw’ingirakamaro".

Mbere yuko ikigo FDA kibitangaza ku wa gatanu, cyari cyokejwe igitutu cyinshi n’ubutegetsi bwa Trump ngo cyemeze ikoreshwa ry’urwo rukingo.

Stephen Hahn, umukuru w’icyo kigo, yari yasabwe ko bitarenze kuri uwo munsi wo ku wa gatanu aba yarwemeje ngo rukoreshwe by’amaburakindi cyangwa akirukanwa ku kazi, nkuko ibitangazamakuru byo muri Amerika bibivuga, ariko we yavuze ko ibyo "atari ukuri".

Alex Azar, umunyamabanga ushinzwe ibikorwa by’ubuzima mu kigo FDA, yabwiye abanyamakuru mbere yaho ku wa gatanu ko icyo kigo kizakorana n’uruganda Pfizer rukora imiti kugira ngo urwo rukingo rutangire gutangwa ku bwinshi ku wa mbere cyangwa ku wa kabiri.

Urukingo Pfizer rwamaze kwemezwa n’inzego zibishinzwe zo mu Bwongereza, Canada, Bahrain no muri Saudi Arabia (Arabie saoudite).

Cyo kimwe no muri ibyo bihugu, Amerika izaha inkingo za mbere abageze mu zabukuru, abakora mu bikorwa by’ubuvuzi no mu butabazi bwihuse.

Kuva mu kwezi kwa cumi na kumwe, umubare w’abicwa na coronavirus muri Amerika wakomeje kwiyongera cyane.

Ku wa gatatu, muri iki gihugu hapfuye abantu barenga 3,000 bishwe na coronavirus - wabaye umubare wa mbere munini ku isi w’abishwe nayo ku munsi umwe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisitiri w’intebe wa Congo Ilunga mu mazi abira

Abadepite ba Repubulika Iharanira Demokarasi ya Congo, basinye icyemezo cyo...
24 January 2021 Yasuwe: 6281 0

Ingabo za Uganda zivuganye Abarwanyi 189 ba Al Shabaab

Umuvugizi wungirije w’igisirikare cya Uganda, Lt. Col. Deo Akiiki kuri uyu...
23 January 2021 Yasuwe: 5433 0

Leta y’u Burundi niyo iri gushyirwa mu majwi mu kugira uruhare mu iyicwa rya...

Polisi y’u Burundi iheruka kwereka itangazamakuru abagabo batatu n’umugore...
23 January 2021 Yasuwe: 8090 0

Ibiteye amatsiko ku mukobwa ukiri muto w’umwiraburakazi watangaje benshi...

Ku mugoroba wo kuri uyu wa Kabiri tariki 20 Mutarama 2021, Amanda Gorman...
22 January 2021 Yasuwe: 6311 0

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 6233 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 3113 0