skol
startimes

Urupfu rwa Francis Senteza wari umurinzi wa Bobi Wine ntiruvugwaho kimwe,haba ku ruhande rwa Gisirikare no ku ruhande rwa Polisi bose bari kwitana ba mwana

Amakuru   Yanditswe na: Martin Munezero 29 December 2020 Yasuwe: 4435

Nyuma yuko Robert Ssentamu Kyagulanyi uzwi nka Bobi Wine, uri mu biyamamariza kuyobora Uganda agishinje Igisirikare cya Uganda (UPDF) kwica uwari umurinzi we, Francis Senteza, cyabiteye utwatsi kivuga ko uriya musore yapfuye azize guhanuka ku modoka yihutaga.


Ku gicamunsi cyo ku Cyumweru tariki ya 27 Ukuboza, Bobi Wine ni bwo yatangaje ko Francis Senteza wari umwe mu barinzi be yishwe na Military Police, nyuma yo kugongwa n’imodoka yayo.

Bobi Wine ku mbuga nkoranyambaga ze yagize ati: “Mbabajwe no kubatangariza urupfu rw’umwe mu bagize ikipe yacu y’umutekano Francis Senteza Kalibala uzwi nka Frank. Francis yagonzwe n’imodoka ya Military Police ifite Plaque H4DF 2382 yari yaduhagarikiye muri Busega, ubwo twari tujyanye umuvandimwe Kasirye Ashraf ku bitaro bya Rubaga kugira ngo ahabwe ubuvuzi bwihuse. Francis yapfiriye ku bitaro bya Rubaga mu minota mike ishize.”

Polisi ya Uganda mu itangazo yasohoye, yavuze ko umunyamakuru Kasirye ukorera Radio One akaba n’umufotozi wa Televiziyo ’Ghetto TV’ ikorera kuri murandasi, yakomeretse ku ijisho ry’ibumoso nyuma yo kugubwaho n’umukebe w’ibyuka biryana mu maso wari utewe na Polisi mu rwego rwo gutatanya abashyigikiye Kyagulanyi batezaga imvururu.

Ku bijyanye n’urupfu rwa Francis Senteza, igisirikare cya Uganda cyavuze ko atagonzwe n’imodoka ya Military Police nk’uko Bobi Wine yabitangaje, ko ahubwo yahanutse ku modoka yari ifite umuvuduko wo hejuru. Ni ibyatangajwe na Brig Flavia Byekwaso, Umuvugizi w’Igisirikare cya Uganda.

Yagize ati: “UPDF iragira ngo isobanure ko nyakwigendera Senteza Frank, Umurinzi wa hafi w’umukandida wa NUP [Bobi Wine] atigeze agonga n’imodoka ya Military Police nk’uko bivugwa, ko ahubwo yahanutse ku modoka yihutaga ifite Plaque No UBF 850z (Drone). Yagerageje gusimbuka ariko aragwa.”

Ubushyamirane bw’abashyigikiye Bobi Wine bwanakomerekeyemo abandi banyamakuru barimo Ali Mivuli wa NTV na Daniel Lutaaya wa NBS, ibyatumye ku gicamunsi cyo kuri uyu wa Mbere abanyamakuru bakorera ibitangazamakuru bitandukanye muri Uganda bigaragambya, mu rwego rwo kwamagana ihohoterwa rikomeje kubakorerwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abakoresha WhatsApp batangiye kuyitera umugongo

Urubuga rwa WhatsApp mu nzira yo gutakaza umubare munini w’abayikoresha dore...
13 January 2021 Yasuwe: 5941 0

Guverinoma ya Uganda yafatiwe icyemezo gikakaye

Guverinoma ya Uganda yakomwe mu nkokora n’urubuga nkoranyambaga rwa Facebook...
13 January 2021 Yasuwe: 5931 0

Umugambi wo kwigaragambya muri Uganda hose wamenyekanye

Abdul Kabenge, umwe mu bahuzabikorwa bo muri National Unity Platform (NUP)...
13 January 2021 Yasuwe: 5503 0

Jeff Bezos mu minsi 4 gusa yisubije umwanya we wa mbere w’umuntu ukize ku...

Umuherwe Jeff Bezos warusanzwe ari umukire agakurwaho na Elon Musk nyuma...
13 January 2021 Yasuwe: 3428 0

Bwa mbere Schwarzenegger wamamaye nka Komando yanenze Trump bahuje...

Icyamamare mu bya sinema akaba abarizwa no muri politike Arnold...
12 January 2021 Yasuwe: 4414 0

Michelle Obama yishe rimwe mu mahame adasanzwe buri muntu, kugera no ku...

Guhura n’umwamikazi w’u Bwongereza ndetse n’abagize umuryango w’ibwami bifatwa...
11 January 2021 Yasuwe: 9615 0