skol
startimes

Uruzitiro rw’inyubako ikoreramo Donald Trump rwahindutse urwibutso runini rw’ubutabera bushingiye ku moko[AMAFOTO]

Amakuru   Yanditswe na: Martin Munezero 13 June 2020 Yasuwe: 2596

Kuva umwirabura George Floyd yicwa, imyigaragambyo yahawe inyito Ubuzima bw’ abirabura bufite akamaro (black lives matters, BLM) yakwiyee isi yose, aho abantu ibihumbi n’ibihumbi mu nzego zitandukanye basaba ubutabera bushingiye ku moko n’imibereho.


I Washington muri Leta Zunze Ubumwe za Amerika, abigaragambyaga ba BLM bazamuye uruzitiro nk’urwibutso rw’ubutabera bushingiye ku moko, uruzitiro rwa metero 8 ruzengurutse White House rufite uburebure bwa kilometero 1.7 (1.7Km), barwuzuza ibyapa bishyigikira imyigaragambyo, binanditseho amazina y’abantu bose bishwe baguye mu maboko ya polisi.

Aho kugira ngo bagaragaze ko batishimiye uburakari bwinshi mu mihanda, abigaragambyaga bahisemo gukora ibintu mu mutuzo maze berekana akababaro kabo n’ubusabe ku rukuta n’uruzitiro ruzengurutse inyubako y’umukuru w’igihugu White House.

Mu bimenyetso bihagaragara, usibye ‘Ubuzima bw’Abirabura Bufite Akamaro’ na ‘Nta butabera nta mahoro’, hariho amagambo menshi yo guhanga nka ‘Ivanguramoko ni igitutsi kubyo Imana yaremye’ na ‘Ivanguramoko n’uburyo bwa Amerika ku buryo iyo ubyamaganye, abantu batekereza ko urimo kwanga Amerika ‘.

Uburebure bw’uruzitiro rw’urwibutso ni igitangaza – hafi kilometero 1.7, nk’uko ikinyamakuru Washington Post kibitangaza. Mubyukuri, ibice bibiri gusa bizenurutse White House, mu majyaruguru y’uburasirazuba no mu majyaruguru y’uburengerazuba, ntibifite uruzitiro rwongeyeho n’inzitiro z’amatafari ya sima zifatika.

Nkuko Upworthy abitangaza, uru ruzitiro rwakoreshejwe kandi n’abantu batera urwenya kuri perezida Trump abavuga ko ameze nk’umwana uhorana urusaku akeneye kwitabwaho. Kugeza ubu, urukuta rwifashishijwe nk’urwibutso runini rw’abigaragambyaga BLM, rugaragaza ubusabe bwabo mu buryo bukomeye.

Ikindi ni uko perezida wa Amerika na we yamaganwe kubera kwihisha ntagaragare mu gihe iyi myigaragambyo yaberaga kuri White House. Ku ya 1 Kamena, Trump yahise ajyanwa mu bwihisho, nyuma yuko itsinda ry’abigaragambyaga bamennye uruzitiro rw’agateganyo rwashyizweho hafi y’ishami ry’imari y’igihugu.

CNN yatangaje ko nk’uko Urwego rw’ubutasi rw’ibanga rubitangaza, kubaka uruzitiro ruzengurutse White House biri mu ‘ngamba z’umutekano zikenewe’.

Icyakora, abigaragambyaga baboneyeho umwanya wo kuvuga ibyo basaba ubutabera bushingiye ku moko no gushyigikira umuryango w’abirabura.



Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FBI iri guhiga bukware Abashinwa 5 bagize itsinda rizwi nka APT...

Kuri uyu wa Gatandatu tariki ya 19 Nzeri 2020, Urwego rushinzwe iperereza...
20 September 2020 Yasuwe: 1922 0

Kaminuza ya Makerere yahiye hari gukorwa iperereza ku cyayitwitse

Polisi ya Uganda irimo gukora iperereza ku cyateye inkongi y’umuriro...
20 September 2020 Yasuwe: 835 0

Facebook igiye gufungura ishami ryayo muri Nigeria

Ikigo cy’ikoranabuhanga cya Facebook cyatangaje ko umwaka utaha kizafungura...
20 September 2020 Yasuwe: 203 0

Abatuye muri Amerika ntibemerewe ku-Downloadinga porogaramu za WeChat na...

Minisiteri y’Ubucuruzi muri Amerika yatangaje ko kuva ku wa 20 Nzeri,...
19 September 2020 Yasuwe: 490 0

Congo:Iperereza rirarimbanije ku kayabo k’amafaranga yo guhemba abakozi ba...

Muri Repubulika Iharanira Demokarasi ya Congo iperereza ku irengero rya...
18 September 2020 Yasuwe: 1029 0

Kizito Mihigo yahawe igihembo cya ‘Václav Havel International’, bwa mbere...

Bwa mbere mu mateka, Umuryango mpuzamahanga uharanira uburenganzira bwa...
18 September 2020 Yasuwe: 4689 0