skol
startimes

USA: Ibibumbano bya Theodore Roosevelt na Abraham Lincoln byarimbuye n’abigaragambya bariye karungu

Amakuru   Yanditswe na: Martin Munezero 13 October 2020 Yasuwe: 3417

Mu ijoro ryo ku Cyumweru gishize muri Portland Oregon, abigaragambyaga bahiritse amashusho y’abahoze ari ba Perezida ba Leta Zunze Ubumwe za Amerika, Theodore Roosevelt na Abraham Lincoln , bagaragaza umujinya bafitiye kwizihiza Umunsi wa Columbus (Columbus Day) bibukaho umugabo wavumbuye umugabane wa Amerika.


Abateguye imyigaragambyo bise iki gikorwa “Umunsi w’umujinya w’abaturage b’abasangwabutaka,” mu rwego rwo kwamagana umunsi mukuru witiriwe umuvumbuzi w’umutaliyani wo mu kinyejana cya 15 witwa Christopher Columbus, umuntu amashyirahamwe y’abasangwabutaka avuga ko ari we nyirabayazana w’itsembabwoko bakorewe ku mugabane wa Amerika.

Ibitangazamakuru byatangaje ko iryo tsinda ryaziritse iminyururu ku gishushanyo cya Roosevelt ari ku ifarasi, cyiswe “Theodore Roosevelt, Rough Rider.” Kugirango bakirandure aho cyari gishinze nk’uko iyi nkuru dukesha ikinyamakuru The Independent cyo mu Bwongereza ikomeza ivuga.

Imbaga y’abantu yaranduye icyo gishushanyo mbere ya saa cyenda z’ijoro. Nyuma iryo tsinda ryerekeje ibitekerezo byaryo ku kindi gishushanyo cya Abraham Lincoln, nacyo barakirandura nyuma y’iminota umunani.

Abahanga mu by’amateka bavuze ko Roosevelt yagaragaje urwango afitiye abasangwabutaka bo muri Amerika ubwo yagiraga ati:“Ntabwo njya ngera aho ntekereza ko Abahinde beza bonyine ari Abahinde bapfuye, ariko ndizera ko icyenda muri buri 10 beza ari abapfuye…”

Abigaragambyaga bakoresheje irangi bandika “Dakota 38” aho igishusho cya Lincoln, cyari giteye bibutsa abagabo 38 bo muri Dakota, Lincoln yemeye ko bamanikwa nyuma y’uko abo bagabo bagize uruhare mu ntambara ikaze yabahuzaga n’abazungu muri Minnesota.

Nyuma yo gusenya ibibumbano, imbaga y’abantu yatangiye kumena amadirishya ku nzu y’amateka ya Oregon nyuma baza kwimukira ku biro by’umutekano rusange bya Kaminuza ya Leta ya Portland.

Nyuma polisi yatangaje ko ibi ari imvururu maze itegeka itsinda ryigaragambyaga gutatana. Yongeho ko umuntu wese wagize uruhare mu “myitwarire y’ubugizi bwa nabi, harimo no kwangiza” agomba gufatwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 2517 0

Shema ku myaka 7 gusa atwara indege[AMAFOTO]

Shema Graham ni umwana w’Umugande w’imyaka 7 y’amavuko gusa, ariko amaze...
21 January 2021 Yasuwe: 5632 0

Hasabwe ubucukumbuzi ku mpamvu urukingo rwa COVID-19 ’Moderna’ rutera bamwe...

Ikigo cya Moderna Inc. gikora urukingo rwa Covid-19 rwitwa ‘Moderna’ cyasabwe...
21 January 2021 Yasuwe: 3268 1

Aho Joe Biden ari burahirire i Washington impande n’impande hagabwe Ingabo...

Muri Washington aharibuze kubera umuhango wo kurahira kwa Perezida mushya...
20 January 2021 Yasuwe: 5748 0

Muri Tanzania abagabo barashinjwa gucura abana babo amashereka

Mu Ntara za Iringa na Shinyanga mu Majyepfo y’Iburengerazuba mu gihugu cya...
19 January 2021 Yasuwe: 7264 0

Perezida Museveni yahishuye ko hari igihugu cyo mu karere cyohereje abo...

Perezida wa Uganda, Yoweri Kaguta Museveni avuga ko hari igihugu cyo mu...
19 January 2021 Yasuwe: 7595 0