skol
fortebet

Uwari Minisitiri mu biro bya Perezida wa Afurika y’Epfo yishwe n’ingaruka za Covid-19

Yanditswe: Friday 22, Jan 2021

Sponsored Ad

skol

Kuri uyu wa 21 Mutarama 2021, Jackson Mthembu wari Minisitiri mu biro bya Perezida wa Afurika y’Epfo, Cyril Ramaphosa, yitabye Imana yishwe n’ingaruka z’icyorezo cya Covid-19.

Sponsored Ad

Iby’urupfu rwa Minisitiri Mthembu bimaze kwemezwa na Perezida Ramaphosa mu itangazo anyujije ku rubuga rwa Twitter, aho agira ati: “N’akababaro kenshi, ndabamenyesha ko Minisitiri…Jackson Mthembu yapfuye uyu munsi, azize ibibazo yatewe na Covid.”

Perezida Ramaphosa yavuze ko Minsitiri Mthembu yari umuyobozi w’icyitegererezo, waraniraga ukwishyira ukizana na demukarasi, akaba yari umuntu wari ukunzwe kandi wubashywe. Kuri uyu Mukuru w’Igihugu, “urupfu rwa Mthembu ni igihombo gikomeye ku gihugu.”

Urupfu rwa Minisitiri Jackson Mthembu wari ufite imyaka 62 y’amavuko, rubaye nyuma y’urwa Lt. Gen. Sibusiyo Moyo wari Minisitiri w’Ububanyi n’Amahanga wa Zimbabwe, na we wishwe n’icyorezo cya Covid-19 kuri uyu wa 20 Mutarama.

Gen. Sibusiyo afatwa nk’umwe mu ntwari zaranze Zimbabwe, bitewe n’uruhare rukomeye yagize mu gukura Robert Mugabe ku butegetsi yari yaranze kurekura. Ni we watangaje ko uyu musaza yahiritswe ku butegetsi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa