Uyu mubyeyi yiyahuye kubera amashusho ye n’uwahoze ari umukunzi we yashyizwe hanze

Amakuru   Yanditswe na: Martin Munezero 30 May 2019 Yasuwe: 3246

Umubyeyi w’abana babiri witwa Veronica Rubio uri mu kigero cy’imyaka 32, yasanzwe yimanitse mu rugo i we ruherereye mu Mujyi wa Alcala de Henares, hafi ya Madrid, nyuma yo kugira agahinda yatewe n’amashusho yasakajwe n’uwigeze kuba umukunzi we mu myaka itanu ishize.

Uyu mugabo wahoze akundana n’uyu mugore, bivugwa ko yasakaje amashusho agaragaza uburyohe bw’urukundo bigeze kugirana muri 2014, bituma uyu mugore afatwa n’intimba ahitamo kwiyahura.

Rubio nyuma yo gutandukana n’uyu mugabo utatangajwe amazina, yahise asezerana n’undi mugabo akaba yari amaze kubyara abana babiri. Yafashwe n’intimba kubera aya mashusho yahererekanwaga mu gace akoreramo aho yakoranaga n’uwo mugabo mu ruganda ruherereye mu gace ka Ivevo rwa CNH Industrial lorry factory muri San Fernando de Henares.

Inshuti za Rubio zatangaje ko yagize umujinya agahita asohoka mu ruganda kubera ko muri we yari yananiwe kwihangana. Bakomeje bavuga ko uretse kuba yasohotse mu ruganda no mu muryango we yari yarambiwe kuba mu bantu bagaruka ku by’ayo mashusho.

Mbere yo kwiyahura kwe Rubio yabanje gusaba imbabazi umugabo we. Amusaba no kwita ku bana babiri babo aho umwe afite imyaka ine undi akagira icyenda.

Urupfu rw’uyu mugore rwatumye ubuyobozi bw’uruganda yakoragamo bufata icyemezo cyo gushyiraho itegeko rihana umukozi warwo uwo ari we wese uzagerageza gutoteza mugenzi we ku mibonano mpuza bitsina.

Cyakoze hagati aho abakozi b’uru ruganda bose bahurije hamwe bahakana kuba hari n’umwe muri bo wagize uruhare mu kwiyahura kwe.

Ubugenzuzi mpana byaha bwa Esipanye bwatangaje ko bugiye gushakisha uwasakaje ayo mashusho nta burenganzira, aho agomba gufungwa byibuze amezi atatu ariko ntarenze umwaka umwe mu gihe yaba yahamwe n’icyaha.

Police yo yemeje ko yakoze iperereza kuri iki kibazo ariko ko nta mwanzuro wigeze ugaragara ku isakazwa ry’ayo mashusho. Uruganda rwa CNH Industrial lorry factory ntakwigendera yakoragamo rufite abakozi bagera ku 2,500.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gatare

    Ibi bikwiye kubera ISOMO abakobwa basambana babyita ngo "bari mu rukundo".Mujye mumenya ko abagabo n’abahungu mu rwego rwo KWIYEMERA,bagenda berekana amafoto y’abo basambanye.Kandi mujye mumenya ko Gusambana ari icyaha iteka kibagiraho ingaruka.Urugero,niyo wasaza,uhora ufite Remorse (intimba) kubera umuntu mwaryamanye,ugahora wibaza uti kuki nabikoze?Ubusambanyi,nubwo bukorwa na Millions and Millions z’abantu,bugira ingaruka mbi:Sida,Kwiyahura,Gukuramo inda,gusenya ingo,divorce,etc...Igihano gikomeye kurusha ibindi Imana izaha abasambanyi,nuko izabima ubuzima bw’iteka muli paradizo,kandi ntabwo bazazuka ku Munsi w’Imperuka utari kure.Gusambana ni ukugira ibitekerezo bigufi cyane.It is a lack of wisdom.

    2 months ago

Inzindi nkuru

Raila Odinga yavuze imyato umukunzi we amubwira amagambo aryohereye...

Umunya-Politike Raila Odinga uzwi ho kutavuga rumwe n’ubutegetsi bwa Kenya,...
25 August 2019 Yasuwe: 2402 0

Igihugu cy’Afurika y’Epfo cyafatiriye indege ya Tanzania

Ubuyobozi bwa Tanzania bwatangaje ko ubuyobozi bwa Afurika y’Epfo,...
24 August 2019 Yasuwe: 2580 0

Burundi: Abatimbo bakoze imyigaragambyo yo kwamagana itorero ryo mu Rwanda...

Abatimbo bo mu gihugu cy’uBurundi biriwe mu rugendo rwo kwamagana itorero...
24 August 2019 Yasuwe: 2595 3

Uwahoze ari visi perezida wa Uganda yatangaje impamvu itangaje ituma...

Uwahoze ari Visi Perezida wa Uganda,Prof. Gilbert Bukenya, uzwi nka...
23 August 2019 Yasuwe: 7296 0

Bimwe mu bice by’ingurube birimo n’umutima wayo bizajya byifashishwa mu...

Abashakashatsi bagaragaje ko mu myaka iri imbere, bimwe mu bice by’inyamaswa...
23 August 2019 Yasuwe: 1832 0

Perezidansi ya Uganda yataye muri yombi abantu benshi barimo n’uwahoze ari...

Umutwe ushinzwe kurwanya ruswa muri Perezidansi ya Uganda, wataye muri...
23 August 2019 Yasuwe: 3296 0