Wa mupasiteri wazanye Ebola mu mujyi wa Goma byarangiye imuhitanye

Amakuru   Yanditswe na: Dusingizimana Remy 16 July 2019 Yasuwe: 4176

Umupasiteri basanzemo indwara ya Ebola mu mujyi wa Goma ku cyumweru, yamuhitanye ejo ku wa mbere nk’uko byemejwe n’umuyobozi w’agace ka Butembo yavuyemo kari ku birometero bisaga 1600 uvuye i Goma.

Uyu mugabo bivugwa ko ari umupasiteri, yari yagiye i Goma mu modoka itwara abagenzi aturutse mu gace ka Butembo, agace iyi ndwara imaze guhitanamo amagana menshi y’abantu.

Bikekwa ko uyu mupasiteri ari naho yanduriye iyi ndwara mbere yo kuza i Goma.
Sylvain Kanyamanda, umuyobozi wa Butembo, yabwiye BBC ko muri Kongo uwo mupasiteri yishwe na Ebola bari mu nzira bamusubiza i Butembo ku kigo cyita ku banduye iyi ndwara.

Yagize ati: "IcyatuGezeho ni umurambo".

Ebola imaze guhitana abantu barenga 1600 kuva yakwaduka ku nshuro ya 10 muri Repubulika ya Demokarasi ya Kongo umwaka ushize.

Umujyi wa Goma uhana imbibi n’uwa Gisenyi mu Rwanda, ku ruhande rw’u Rwanda hakajijwe ingamba zo kwirinda, nk’uko ejo Minisitiri w’ubuzima w’u Rwanda yabitangarije ku mupaka wa Gisenyi na Goma.

Minisitiri Dr Diane Gashumba yavuze ko "umuntu basanganye iyi ndwara yasubijwe i Butembo, abo bagendanye mu modoka nabo bashyizwe mu kato".

Nibwo bwa mbere Ebola yari igeze muri umwe mu mijyi minini ya Kongo.

Ahantu hose abantu binjirira mu mijyi muri aka gace hari ibikorwa byo gupima abantu umuriro ndetse n’aho bakarabira intoki mbere yo kwinjira.

Mu mujyi wa Goma bagomba gutegereza iminsi 21 kugira ngo barebe ko hagaragara umuntu wayanduye mu bari kumwe na pasiteri cyangwa ntawanduye.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore yakubise umwana we mu buryo buteye agahinda arangije aranamujugunya...

Umugore ukomoka muri Ukraine yatawe muri yombi nyuma yuko akubise umwana we...
19 October 2019 Yasuwe: 1658 0

Urukingo rwa Ebola rwemejwe n’ikigo cy’ubugenzuzi bw’imiti I Burayi

Urukingo rukiri mu igeragezwa kuri ubu ruri gukoreshwa mu kurinda ko Ebola...
19 October 2019 Yasuwe: 317 0

Bobi Wine yibasiye bikomeye Perezida Museveni wamwise umwanzi wa...

Bobi Wine utavuga rumwe n’ubutegetsi bwa Uganda yasubije Perezida Yoweri...
19 October 2019 Yasuwe: 1252 1

Tanzania:Muri gahunda yo gukubita ingaragu kugira ngo zirongore

Muri Tanzaniya umuyobozi w’Intara ya Mbeya muri Tanzania, Albert Chalamila,...
18 October 2019 Yasuwe: 5691 0

Congo:Abagororwa 45 bapfiriye muri gereza

Abashinzwe ubuzima muri gereza ya Bukavu iri mu burasirazuba bwa Repubulika...
18 October 2019 Yasuwe: 1546 0

Bisi y’itorero ry’Abapantekoti yafatiwemo udupfunyika tw’urumogi dufite...

Kuri uyu wa 15 Ukwakira 2019, Polisi ya Kenya yatahuye imodoka yo mu bwoko...
18 October 2019 Yasuwe: 4673 0