skol
startimes

Zimbabwe: Walter Mzembi wahoze ari Minisitiri w’Ububanyi n’Amahanga yashyize ku karubanda Perezida Mnangagwa

Amakuru   Yanditswe na: Martin Munezero 30 August 2020 Yasuwe: 2435

Walter Mzembi wahoze ari Minisitiri w’Ububanyi n’Amahanga wa Zimbabwe, yashyize ku karubanda Perezida Emmerson Mnangagwa, ahishura uburyo ku nshuro zitabarika yagerageje kumwivuganira muri Afurika y’Epfo aho yahungiye, anatangaza ko hari inzirakarengane zagiye zicwa zitiranywa na we.


Minisitiri Mzembi yatangaje ayo marorerwa ya Perezida Emmerson Mnangagwa, mu kiganiro kihariye yagiranye na Nehanda Radio, aho yavuze zimwe mu nzirakarengane zagiye zicwa bigizwemo uruhare na Guverinoma ya Zimbabwe ndetse n’iya Afurika y’Epfo.

Mu kwezi gushize Ubushinjacyaha bwa Zimbabwe bwari bwatse ubufasha igihugu cya Afurika y’Epfo, kugira ngo kibushyikirize Minisitiri Mzembi kugira ngo yiregure ku byaha ashinjwa byo kwiba imodoka zifite agaciro k’ibihumbi 130 by’amadorali ya Amerika Umuryango ushinzwe Ubukerarugendo ku Isi (UNTWO) wari wahaye Zimbabwe nk’impano.

Walter Mzembi kandi ashinjwa gukoresha nabi inshingano yari afite, agaha insengero eshatu Televiziyo enye zifite agaciro k’ibihumbi 200 by’amadorali ya Amerika, ibinyuranyije n’ingongo ijyanye no gucunga umutungo ugenewe rubanda.

Ikindi cyaha ashinjwa, ari kumwe n’abandi bantu babiri barimo uwitwa Susanna Makombe Kuhudzai na Aaron Mushoriwa Dzingira, ni ukuba barakiriye mu izina rya Guverinoma ya Zimbabwe inkunga ingana n’ibihumbi 815 by’amadorali ya Amerika yatanzwe na UNTWO, hanyuma ibihumbi 517 bakabikoresha mu nyungu zabo bwite.

Mu kiganiro na Nehanda Radio, Mzembi yavuze ko uretse kuba abo bareganwa barahanaguweho ibyaha n’urukiko, amafaranga ashinjwa kunyereza ngo ntaho ahuriye na yo ngo kuko ngo yabikujwe na Guverinoma ya Zimbabwe (iyobowe na Mnangangwa) ndetse n’umuyobozi w’ishyaka Zanu PF iri ku butegetsi. Yunzemo ati:

Mu myaka itatu yose Mnangagwa yagerageje kunyica ariko byaranze. Hari ubwo yigeze gutekereza ko yambonye, banakwirakwiza inkuru z’uko napfuye. Sinzi umuntu biciye muri Afurika y’Epfo bamwibeshyeho ko ari njye.

Walter Mzembi yavuze ko hagati ya 2013 na 2017 Mnangagwa yagerageje kumwica incuro nyinshi bikagera n’aho akodesha umwicanyi, gusa bikarangira bigendeyemo uwitwa Mupazviriho wishwe urubozo mu kimbo cye. Yunzemo ati:

Nanone muri 2014, bongeye kugerageza kunyivugana gusa birangira ku bw’amahirwe biciye Lucky Hakata i Fearherstone mu kiswe impanuka, ariko bitewe no kumwibeshyaho.

Mzembi yavuze ko ari ingirakamaro ko abantu bibuka ko Mnangagwa ubwe yigeze kwita abari bagize itsinda rizwi nka G40 mu ishyaka Zanu-PF “Abanzi b’igihugu”, ibyo bikaba byarasobanuraga ko “akeneye imbaraga zo guhangana n’abantu nkanjye n’imbaraga zose. Mnangagwa yagerageje kunyica mu myaka itatu yose ariko byaranze.”

Uretse kuba uriya mugabo yarahoze muri G40 yari ishyigikiye Nyakwigendera Robert Mugabe, yabajijwe niba haba hari indi mpamvu Mnangagwa yashatse kumwica. Yasubije agira ati:

Impamvu nyinshi zanje mu mutwe ariko ikomeye ni uko ari njye wari ushyigikiye Robert Mugabe nka Minisitiri w’Ububanyi n’Amahanga we. Kuzamurwa nkagirwa Minisitiri w’Ubukerarugendo kwahuriranye n’uko yari atangiye kwigizwa ku ruhande na Mugabe kandi twese dukomoka mu bwoko bw’Abakaranga, asa n’uwabisanishije n’uko nari ngiye kumusimbura mu kuba umuyobozi ukomeye muri ubwo bwoko. Ntabwo yigeze abimbabarira.

Walter Mzembi yongeyeho ko Perezida Emmerson Mnangagwa akimuhigisha uruhindu, ngo kuko atabasha gusinzira kugeza igihe azamwivuganira.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urubanza rwa Paul Rusesabagina ruzakurikiranwa n’ikigo cy’Abavoka...

Ikigo cy’Abavoka b’Abanyamerika baharanira Uburenganzira bwa Muntu cyatangaje...
23 September 2020 Yasuwe: 971 0

Umugabo yatemye inda umugore we akoresheje urukezo biviramo umwana...

Polisi y’Ubuhinde ivuga ko umugore utwite bivugwa ko inda ye yatemwe...
22 September 2020 Yasuwe: 1653 0

Kuterekana indangamuntu byatumye Jose Chameleone abura amahirwe yo kuyobora...

Kuri iki Cyumweru tariki 20 Nzeri 2020, umuhanzi wo muri Uganda, Joseph...
22 September 2020 Yasuwe: 1131 0

Umugore yatangaje benshi ubwo yashyiraga hanze amafoto avuga ko yizihiza...

Umugore wo mugihugu cya Afurika y’epfo yatangaje benshi ubwo yagaragazaga...
21 September 2020 Yasuwe: 6856 0

Perezida Magufuli yifuza ko Evariste Ndayishimiye w’u Burundi yayobora inama...

Perezida Evariste Ndayishimiye yishimiwe cyane na Perezida wa Repubulika ya...
20 September 2020 Yasuwe: 5166 0

FBI iri guhiga bukware Abashinwa 5 bagize itsinda rizwi nka APT...

Kuri uyu wa Gatandatu tariki ya 19 Nzeri 2020, Urwego rushinzwe iperereza...
20 September 2020 Yasuwe: 3072 0