Kigali

Abanyeshuri batewe inda basabiwe gutabwa muri yombi

Amakuru   Yanditswe na: Nsanzimana Ernest 17 December 2017 Yasuwe: 1470

Abayobozi bo mu karere ka Mwanza mu majyaruguru ya Tanzania batanze itegeko ko abakobwa b’ abanyeshuri batewe batabwa muri yombi.

Umwe mu bayobozi b’ aka karere witwa John Mongella yavuze ko impamvu abakobwa batewe inda bagomba gutabwa muri yombi ari ukugira ngo bagezwe imbere y’ urukiko batange ubuhamya bw’ ababakoreye icyo cyaha.

Nk’ uko ikinyamakuru the Citizen cyabitangaje ngo uyu muyobozi yavuze ko ‘abakobwa bafite ingeso yo guhishira abagabo cyangwa abasore babateye inda. Bityo ngo iri tegeko rishyizwe mu bikorwa byagabanya ihohoterwa rishyingiye ku gitsina rikorerwa abanyeshurikazi.

Umuyobozi ushinzwe uburezi mu karere ka Mwanza Michael Lugola avuga ko bamwe mu bakobwa batwara inda hari igihe bibaviramo gucikiriza amashuri.

Muri Kamena uyu mwaka Perezida wa Tanzania John Pombe Magufuli yategetse ko umukobwa uzajya atwara inda nyuma yo kubyara atazajya asubira mu ishuri, ibi bikabangikana n’ uko uwamuteye iyo afungwa imyaka 30.

Nubwo bimeze gutyo ariko mu minsi ishize Perezida Magufuli yafashe ikemezo cyanenzwe na benshi cyo kurekura imfungwa zirimo ebyiri zari zarakatiwe igifungo cya burundu kubera gusabana abana.

Icyemezo cy’ uyu muyobozi ntabwo gitandukanye n’ icy’ Umuyobozi w’ Umuryango urwanya ruswa n’ akarengane aherutse gutangaza. Madamu Ingabire Marie Immaculee yavuze ko mu Rwanda hari aho yabonye umukobwa watewe afatwa mamama agahabwa amamatera n’ ibindi bikoresho nk’ aho icyo yakoze ari ikintu kiza. Avuga ko mu muco nyarwanda gutwara inda byakagombye gufatwa nko kwiyandarika. Ingabire ntashyigikiye ko umukobwa watewe inda atereranwa gusa ngo akwiye kugira igitsure ashyirwaho kimwereka ko ibyo yakoze atari byiza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mike Pompeo avuga ko Amerika ’yiteguye gusubukura ibiganiro na Koreya ya...

Mike Pompeo, umunyamabanga wa leta muri Leta Zunze Ubumwe z’Amerika, yavuze...
20 September 2018 Yasuwe: 156 0

Uganda: Kugaburira abana ku mashuri biracamo ibice abarimu n’...

Minisiteri y’ Uburezi muri Uganda umwaka ushize yashyizeho gahunda yo...
19 September 2018 Yasuwe: 376 0

Israel yemeye kwakira abimukira 1000, yangira 7000

Leta ya Isirayeli ejo kuwa mbere yatangaje ko igiye kwemerera abimukira...
18 September 2018 Yasuwe: 259 0

Afurika y’epfo igiye gutangira kwigisha ururimi rw’Igiswayile mu...

Guhera mu mwaka wa 2020, ururimi rw’Igiswayile ruzatangira kwigishwa mu...
18 September 2018 Yasuwe: 178 0

Ibiganiro by’ amahoro bihuza Abarundi ntabwo bikibaye kuri uyu wa...

Igice cya gatanu cy’ibiganiro bihuza Abarundi byari bitegekanijwe gutangira...
17 September 2018 Yasuwe: 484 0

U Bushinwa n’Uburusiya byishyize hamwe biri gukora imyitozo izamara...

Ingabo zirenga ibihumbi 303,000 z’Abarusiya n’Abashinwa bari mu myitozo...
15 September 2018 Yasuwe: 2081 0